စီမံခန့်ခွဲမှု ခေတ်သစ် ( ၄ )

Controlling (  ထိန်းချုပ်ခြင်း ))

          စီမံခန့်ခွဲမှု၏ စတုတ္ထမြောက်တာဝန်မှာ Controlling ( ထိန်းချုပ်ခြင်း ) ဖြစ်သည်။ Controlling ( ထိန်းချုပ်ခြင်း)ဆိုသည်မှာဝန်ထမ်းများ၏လုပ်ဆောင်ချက်များအားစောင့်ကြပ်ကြည့်ရှုခြင်း၊ အဖွဲ့အစည်း အနေဖြင့် မိမိ၏ဦးတည်ရည်မှန်းချက်ဆီသို့ဆက်လက်ဦးတည်နေခြင်းရှိမရှိ သုံးသပ်ခြင်းနှင့် လိုအပ်သလို တည့်မတ်ပေးခြင်းဖြစ်သည်။ များမကြာမီကာလများက Top Down Approach ခေါ်အထက်မှအောက်သို့  အမိန့်ပေးစေခိုင်းသောစနစ်အား အသုံးပြုခြင်းနည်းပါးလာပြီး ၀န်ထမ်းများအားလေ့ကျင့်သင်ကြားပေးပြီး ကိုယ်တိုင်တာဝန်ယူစေသောစနစ် ရေပန်းစားလာခဲ့သည်။ သို့ရာတွင် အပြီးသတ်အဆုံးအဖြတ်မှာမူ မန် နေ ဂျာများ၏ တာဝန်သာဖြစ်သည်။

          ကမ္ဘာပေါ်တွင် လူအလေးစားခံရဆုံးကုမ္ပဏီတစ်ခုဖြစ်သည့် တိုယိုတာသည် မန်နေဂျာများ၏ ထိန်း ချုပ်နိုင်စွမ်းအားနည်းပါးခဲ့ချိန်တွင် လုံခြုံစိတ်ချရေးနှင့် ပြည့်သူ့ဆက်ဆံရေးကိစ္စရပ်များတွင် ခြောက်အိပ် မက်နှင့်ကြုံတွေ့ခဲ့ရသည်။ Gas Pedal များ၏ချို့ယွင်းချက်၊ နှစ်မျိုးစပ်ကားများ၏ ဘရိတ်ဖမ်းစနစ် ချို့ယွင်း ချက်အပြင် အခြားသောအရည်အသွေးထိန်းချုပ်ရေးဆိုင်ရာအားနည်းချက်များကြောင့် လူပေါင်းများစွာ သေဆုံးခဲ့ရပြီး  မော်တော်ယာဉ်ပေါင်း ( ၉ ) သန်းကျော်ကိုပြန်လည်သိမ်းယူခဲ့ရသည်။ ဘဏ္ဍာရေးစနစ်၏ ပြသနာများတွင်လည်း ထိန်းချုပ်ကွပ်ကဲမှုအားနည်းခြင်းသည် အကြောင်းရင်းတစ်ရပ်ဖြစ်သည်။ Bear Stearns တွင် ၀န်ထမ်းတစ်ဦးအနေဖြင့် ပိုက်ဆံရှာပေးနေနိုင်သမျှ ကာလပတ်လုံး ထိပ်ပိုင်းမန်နေဂျာများ အနေဖြင့် ၀င်ရောက်ထိန်းချုပ်ခြင်းမရှိသလောက်နည်းပါးပြီး ဆုံးရှုံးနိုင်ခြေများများပြားလာကာ ဂုဏ်သိက္ခာ ဆုံးရှုံးစေနိုင်သည့်အနေအထားသို့ပါ ဦးတည်စေသည်။ တမူကွဲပြားခြားနားစွာ JP Morgan မှအကြီးတန်း မန်နေဂျာများသည်  ဆုံးရှုံးနစ်နာနိုင်ခြေများကို အာရုံစူးစိုက်လုပ်ဆောင်လျက်ရှိသည်။ JP Morgan ၏ စီအီး အိုဖြစ်သူ  Jamie Dimon က စီးပွားရေးသည် ပင်ကိုယ်ကပင်ဆုံးရှုံးနစ်နာနိုင်ခြေများပြားသောအရာဖြစ် သည်ဟုဆိုခဲ့သည်။ သို့ရာတွင်ယင်းဆုံးရှုံးနစ်နာနိုင်ခြေကိုပင် Client များ၏အကျိုးစီးပွားကို ဦးထိပ်ထားပြီး ရယူဆောင်ရွက်ရမည်ဟုလည်းဆိုခဲ့သည်။

အဖွဲ့အစည်း၏လုပ်ငန်းစွမ်းဆောင်ရည်

စီမံခန့်ခွဲခြင်းအားအဓိပ္ပါယ်ဖွင့်ဆိုချက်တွင် ဒုတိယပိုင်းသည် အဖွဲ့အစည်း၏ရည်မှန်းချက်ပန်းတိုင်အား ထိ

ရောက်အကျိုးရှိစွာ ရောက်ရှိ၊ ရရှိအောင် ဆောင်ရွက်ခြင်းဟူ၍ဖြစ်သည်။ အဖွဲ့အစည်းများသည်  အရေးကြီး သဖြင့် စီမံခန့်ခွဲခြင်းသည်လည်း အရေးကြီးပေသည်။ စက်မှုဖွံ့ဖြိုးသော လူ့အဖွဲ့အစည်းများတွင်နည်း ပ ညာများရှုပ်ထွေးများပြားလှသဖြင့် အဖွဲ့အစည်းများအနေဖြင့် လူတစ်ဦးတစ်ယောက်တည်းမစွမ်းဆောင် နိုင်သောကိစ္စရပ်များအတွက် အသိဥာဏ်ပညာများ၊ လူသားအရင်းအမြစ်နှင့် ကုန်ကြမ်းများကိုတွဲဖက်အ သုံးပြုလျက်ရှိသည်။  အဖွဲ့အစည်းများမရှိပဲ လူသားများအနေဖြင့်နည်းပညာရပ်ကိုအသုံးပြု၍ ကမ္ဘာတ၀ှမ်း လုံးရှိ မည်သည့်နေရာသို့မဆို သတင်းအချက်အလက်များဖြန့်ဝေရန်၊ ဆည်ကြီးများ၊ နျူကလီးယား စက်ရုံ များမှလျှပ်စစ်စွမ်းအားများထုတ်ယူရန်၊ အချိန်နေရာမရွေး ဖျော်ဖြေရေးအတွက် ရယူသုံးစွဲနိုင်သည့် သီချင်း များ၊ ဗီဒီယိုများ၊ ဂိမ်းများ ပေါ်ပေါက်လာရန် မဖြစ်နိုင်ပါ။ အဖွဲ့အစည်းများသည် ကျွန်ုပ်တို့၏လူ့အဖွဲ့အ စည်းအတွင်း တစ်စတစ်စထိုးဖောက်ဝင်ရောက်နေရာယူလျက်ရှိပြီး မန်နေဂျာများအနေဖြင့်  ရင်းမြစ်များ အား အဖွဲ့အစည်း၏ဦးတည်ရည်မှန်းချက်ကိုရရှိနိုင်ရန်အတွက် ဥာဏ်ပညာကြီးစွာဖြင့်အသုံးပြုသွားနိုင်ရန် လိုအပ်လာသည်။ .

အဖွဲ့အစည်းဟုဆိုရာတွင် ဦးတည်ရည်မှန်းချက်တစ်ခုရှိပြီး စနစ်တကျစုဖွဲ့ထားသော လူမှုအဖွဲ့ အ စည်းတစ်ခုကိုဆိုလိုခြင်းဖြစ်သည်။ လူမှုအဖွဲ့အစည်းဆိုသည်မှာ လူနှစ်ဦးသို့မဟုတ် နှစ်ဦးထက်ပိုမိုပါဝင်ဖွဲ့ စည်းထားခြင်းဖြစ်သည်။ ဦးတည်ရည်မှန်းချက်ရှိသည်ဆိုခြင်းမှာ ရလာဒ်တစ်ခုကိုရရှိစေရန်သတ်မှတ်ထား ခြင်းဖြစ်သည် ( ဥပမာအားဖြင့် ဝေါလ်မတ်တွင် အမြတ်ရရှိရန်၊  AFL CIO တွင်အဖွဲ့ဝင်များ လစာပိုမိုရရှိ ရန်၊ United Methodist Church တွင် စိတ်ပိုင်းဆိုင်ရာခွန်အားများဖြည့်ပေးရန်စသည်ဖြင့် )။ စနစ်တကျစု ဖွဲ့ထားသည်ဆိုရာတွင် ဆောင်ရွက်ရမည့်လုပ်ငန်းဆောင်တာများအား ခွဲဝေသတ်မှတ်ပြီး အဖွဲ့အစည်း တွင်ပါဝင်သူအားလုံးအတွက် လုပ်ငန်းစွမ်းဆောင်ရည် ( Efficiency ) တိုင်းတာရန်အတွက်တာဝန်များ ခွဲ ခြားသတ်မှတ်ပေးခြင်းဖြစ်သည်။ ယင်းအဓိပ္ပါယ်ဖွင့်ဆိုချက်သည် အကျိုးအမြတ်ကိုဦးတည်သော သို့မ ဟုတ် အကျိုးအမြတ်ကိုဦးမတည်သော အဖွဲ့အစည်းအားလုံးနှင့်သက်ဆိုင်သည်။ အသေးစား၊ အကျိုးအ မြတ်မယူသောအဖွဲ့အစည်းများသည် အကြီးစားကော်ပိုရေးရှင်းကြီးများထက်ပိုမိုများပြားပြီး လူ့အဖွဲ့အ စည်းအတွက် အရေးကြီးသည့်အခန်းကဏ္ဍတွင်ရှိနေသည်။

စီမံခန့်ခွဲခြင်း၏အဓိပ္ပါယ်ဖွင့်ဆိုချက်အရ မန်နေဂျာတစ်ဦး၏တာဝန်မှာ အဖွဲ့အစည်း၏ရည်မှန်းချက် ပန်းတိုင်အား ထိရောက်အကျိုးရှိစွာ ရောက်ရှိ၊ ရရှိအောင် ဆောင်ရွက်နိုင်ရန်အတွက် ရင်းမြစ်များအား စနစ် ကျနစွာ ခွဲဝေသုံးစွဲသွားနိုင်အောင်ဆောင်ရွက်သွားရန်ဖြစ်သည်။ အဖွဲ့အစည်းတစ်ခု၏ ထိရောက်စွာဆောင် ရွက်နိုင်စွမ်း ( Effectiveness ) ဆိုသည်မှာ အဖွဲ့အစည်းအနေဖြင့် သတ်မှတ်ထားသောရည်မှန်းချက်ပန်း တိုင်ကို ရရှိအောင်ဆောင်ရွက်နိုင်စွမ်း သို့မဟုတ်မိမိဆန္ဒရှိသောအရာကို ရရှိအောင်ဆောင်ရွက်နိုင်စွမ်း ကိုဆိုလိုသည်။  စွမ်းဆောင်ရည်ကောင်းမွန်ခြင်း ( Efficiency ) ဆိုသည်မှာ အဖွဲ့အစည်းအနေဖြင့် ရည် မှန်းချက်ပန်းတိုင် ရောက်ရှိအောင်အသုံးပြုလိုက်ရသော ရင်းမြစ်ပမာဏကိုဆိုလိုသည်။ ရင်းမြစ် (လိုအပ် သော ရလာဒ်တစ်ခုရရှိအောင် အသုံးပြုရသော ကုန်ကြမ်း၊ ငွေကြေး၊ လူအင်အား ) အနည်းဆုံးသုံးပြီး လုပ် ငန်းပြီးစီးအောင် ဆောင်ရွက်နိုင်ခြင်းသည် စွမ်းဆောင်ရည်ကောင်းမွန်ခြင်းဖြစ်သည်။ အဖွဲ့အစည်းတစ်ခု တွင် ထိရောက်စွာဆောင်ရွက်နိုင်စွမ်းနှင့် စွမ်းဆောင်ရည်ကောင်းမွန်ခြင်း (Efficiency ) နှစ်ခုလုံးမြင့်မား နေနိုင်သည်။ ဥပမာအားဖြင့် Target လက်လီဆိုင်များမှမန်နေဂျာများသည် ကုမ္ပဏီ၏အရည်အသွေးနှင့် ဖောက်သည်ကျေနပ်မှု ဦးတည်ချက်ကိုဖြည့်ဆည်းနိုင်သည့်တချိန်တည်းမှာပင်  စွမ်းဆောင်ရည်ပိုမို ကောင်းမွန်လာအောင် စဉ်ဆက်မပြတ်ကြိုးစားဆောင်ရွက်လျက်ရှိသည်။

မန်နေဂျာများအနေဖြင့် စွမ်းဆောင်ရည်ကောင်းမွန်မှုရရှိစေရန်အတွက်ကုန်ကျစရိတ်ကို အာရုံစိုက် စဉ်းစားလေ့ရှိသော်လည်းကုန်ကျစရိတ်ဖြတ်တောက်ခြင်းအားဖြင့် အဖွဲ့အစည်း၏ထိရောက်စွာဆောင်ရွက် နိုင်စွမ်းကိုထိခိုက်စေနိုင်သည်။ မန်နေဂျာများ၏အန္တိမလုပ်ငန်းတာဝန်မှာ အဖွဲ့အစည်း၏ရင်းမြစ်များအားအ သုံးပြု၍  အဖွဲ့အစည်း၏ရည်မှန်းချက်ပန်းတိုင်အား ထိရောက်အကျိုးရှိစွာ ရောက်ရှိ၊ ရရှိအောင် ဆောင်ရွက် ခြင်းဖြစ်သည့်လုပ်ငန်းစွမ်းဆောင်ရည် ( Efficiency ) မြင့်မားစေရန်ဖြစ်သည်။ တေးသီချင်းကုမ္ပဏီ ဖြစ် သော EMI အားလေ့လာကြည့်မည်ဆိုပါက အရောင်းပမာဏနည်းပါးသည့်အခါတွင် မန်နေဂျာများ အနေ ဖြင့်မလိုအပ်သောကုန်ကျစရိတ်များအား ဖြတ်တောက်ပြီး လုပ်ငန်းလည်ပတ်မှုဝင်ငွေတိုးမြှင့်စေခြင်းဖြင့် ဘဏ္ဍာရေးအရစွမ်းဆောင်ရည်ကောင်းမွန်မှုအပေါ်တွင် အာရုံစူးစိုက်စေသည်။ သို့ရာတွင်ယင်း စွမ်းဆောင်ရည်ကောင်းမွန်စေမှုသည် သီချင်းသွင်းရန်အတွက်အရေးကြီးအခန်းကဏ္ဍတွင်ရှိသော အနုပ ညာရှင်အသစ်များကို ခေါ်ယူစုဆောင်းနိုင်စွမ်းကိုပျက် စီးစေပြီး ကုမ္ပဏီ၏နာမည်ကောင်းကိုပါထိခိုက်စေနိုင် သည်။ ထိုအခါတွင် ကုမ္ပဏီ၏စွမ်းဆောင်ရည်(Efficiency ) ကိုပြန်လည်ထိခိုက်စေသည်။ ထို့ကြောင့်မန် နေဂျာများအနေဖြင့် လုပ်ငန်းစွမ်းဆောင်ရည် (Efficiency ) နှင့် ထိရောက်စွာဆောင်ရွက်နိုင်စွမ်း ( Effectiveness ) နှစ်ခုမျှတမှုရှိစေရန် ပြန်လည်ချိန်ညှိနိုင်ရန် ရုန်းကန်ခဲ့ကြရသည်။ 

စီမံခန့်ခွဲမှုဆိုင်ရာကျွမ်းကျင်မှုများ ( Management Skills )

          မန်နေဂျာတစ်ဦး၏ လုပ်ငန်းတာဝန်များမှာ ရှုပ်ထွေးပြီး များပြားလှသဖြင့် ကျွမ်းကျင်မှုမြောက်များ စွာလိုအပ်သည်။ အချို့သောစီမံခန့်ခွဲမှုသီအိုရီများတွင် ကျွမ်းကျင်မှုများအားစာရင်းရှည်ကြီးဖြင့်ဖော်ပြထား မည်ဖြစ်သော်လည်း ဌာနတစ်ခုသို့မဟုတ်အဖွဲ့အစည်းတစ်ခုအားစီမံအုပ်ချုပ်ရန်အတွက် အဓိကလိုအပ် သော ကျွမ်းကျင်မှုများကို ( ၁ ) ခြုံငုံသုံးသပ်နိုင်စွမ်း Conceptual Skill ( ၂ ) လူသားဆန်သောကျွမ်းကျင်မှု Human Skill  ( ၃ ) ပညာရပ်ဆိုင်ရာကျွမ်းကျင်မှု Technical Skill ဟူ၍အုပ်စု ( ၃ ) စုခွဲခြားနိုင်သည်။ ပုံ    ( ၁.၃ ) တွင်ဖော်ပြထားသကဲ့သို့ပင် မန်နေဂျာတစ်ဦးအနေဖြင့် အဖွဲ့အစည်း၏ ရာထူးဘုံအဆင့်          (  Hierarchy ) အပေါ်ပိုင်းသို့အဆင့်ဆင့်တက်လှမ်းလာသည်နှင့်အမျှ လိုအပ်သောကျွမ်းကျင်မှုပုံစံသည် လည်း ပြောင်းလဲလာသည်။ မတူညီသောဘုံအဆင့်အလိုက်ရှိ မန်နေဂျာများ၏လိုအပ်သော ကျွမ်းကျင်မှု များ မတူညီသော်လည်း မန်နေဂျာများအနေဖြင့် လုပ်ငန်းအောင်မြင်စွာဆောင်ရွက်နိုင်ရန်အတွက် ယင်း အုပ်စု ( ၃ ) စုတွင်ပါဝင်သောကျွမ်းကျင်မှုများအတိုင်းအတာတစ်ခုအထိပြည့်စုံနေရန် လိုအပ်သည်။

ပုံ ( ၁.၃ ) စီမံခန့်ခွဲမှုနှင့် ခြုံငုံသုံးသပ်နိုင်စွမ်း ( Conceptual Skill ) ၊ လူသားဆန်သောကျွမ်းကျင်မှု ( Human Skill ) ၊ ပညာရပ်ဆိုင်ရာကျွမ်းကျင်မှု ( Technical Skill ) ဆက်နွယ်ချက်

စီမံခန့်ခွဲမှု ခေတ်သစ် ( ၃ )

အချုပ်အားဖြင့်ဆိုပါကမန်နေဂျာများအနေဖြင့် ရည်မှန်းချက်ပန်းတိုင်များချမှတ်ခြင်း ( Set Objectives ) ။ လုပ်ငန်းဆောင်တာများအားစုစည်းခြင်း ( Organize ) ၊  စိတ်အားထက်သန်မှုရ အောင် လှုံ့ဆော် စည်းရုံးခြင်း၊ ဆက်သွယ်ဆက်ဆံခြင်းများဆောင်ရွက်ခြင်း ( Motivate & Communicate )၊   လုပ်ငန်း စွမ်းဆောင်ရည်များအားတိုင်းတာခြင်း ( Measure ) ၊ ၀န်ထမ်းများအားဖွံ့ဖြိုး တိုးတက်အောင် ဆောင် ရွက်ခြင်း ( Develop People )  များဆောင်ရွက်ရသည်။ ယင်း မန်နေဂျာများ၏အဓိကလုပ်ငန်းတာဝန် ( ၅ ) ရပ်သည် ကုမ္ပဏီတစ်ခု၏ထိပ်တန်းစီမံခန့်ခွဲသူများတွင်သာ တာဝန်ရှိခြင်းမဟုတ်ပဲ မြို့တမြို့မှ စားသောက်ဆိုင်လေးတခု၏မန်နေဂျာ၊ လေဆိပ်လုံခြုံရေးအဖွဲ့ခေါင်းဆောင်၊ Web Hosting ၀န်ဆောင်မှု လုပ်ငန်းမှ ကြီးကြပ်သူ၊ ဒေသတွင်းလုပ်ငန်းတခု၏ အရောင်းနဲ့ဈေးကွက်ထိုးဖောက်ရေးမန်နေဂျာအစရှိေ သာ စီမံခန့်ခွဲအုပ်ချုပ်နေရသူအားလုံး၏တာဝန်ဖြစ်သည်။

ပုံ( ၁.၁ ) တွင်ပြထားသောအဓိကလုပ်ငန်းတာဝန် ( ၅ ) ရပ်သည် စီမံခန့်ခွဲမှု၏အဓိကတာဝန်ကြီး    ( ၄ ) ရပ် ဖြစ်သော Planning ( ရည်မှန်းချက်များ ချမှတ်၍အဆိုပါ ရည်မှန်းချက်များရရှိရန် လုပ် ဆောင်ရမည့် အချက်များဆုံးဖြတ်ခြင်း ၊ Organizing ( လုပ်ငန်းဆောင်တာများနှင့် လူများအားစုစည်းခြင်း ) ၊ Leading ( လှုံ့ဆော်ခြင်းနှင့် ဆက်သွယ်ဆက်ဆံခြင်း၊ ၀န်ထမ်းများအားဖွံ့ဖြိုးတိုးတက်စေခြင်း ) နှင့် Controlling (  သတ်မှတ်ဦးတည်ချက်များချမှတ်၍စွမ်းဆောင်ရည်ကိုအကဲဖြတ်ခြင်း ) တို့အောက်တွင်ပါ ၀င်သည် ။ အလုပ်၏ အနေအထားပေါ်မူတည်၍ မန်နေဂျာများသည်မြောက်မြားလှစွာသော လုပ်ငန်းဆောင် တာများအား  ဆောင်ရွက်ကြရခြင်းဖြစ်သော်လည်းလုပ်ငန်းတာဝန်အားလုံးအားအထက်ဖော်ပြပါခေါင်းစဉ် ( ၄ ) ခုအောက်တွင် ပြန်စုစည်းနိုင်သည်။ ထို့ကြောင့်စီမံခန့်ခွဲမှုအားအောက်ပါအတိုင်း အဓိပ္ပါယ်ဖွင့်ဆို နိုင်ပါသည် -

စီမံခန့်ခွဲမှု

စီမံခန့်ခွဲမှုဆိုသည်မှာ အဖွဲ့အစည်း၏ ရင်းမြစ်များအားအသုံးပြု၍  စီမံချက်ရေးဆွဲခြင်း၊ စုစည်းခြင်း၊ ဦး ဆောင်မှုပေးခြင်း နှင့် ထိန်းချုပ်ကွပ်ကဲခြင်းတို့ဖြင့် အဖွဲ့အစည်း၏ရည်မှန်းချက်ပန်းတိုင်အား ထိရောက် အကျိုးရှိစွာ ရောက်ရှိ၊ ရရှိအောင် ဆောင်ရွက်ခြင်းဖြစ်သည်။

ယခုအဓိပ္ပါယ်ဖွင့်ဆိုချက်တွင် နှစ်ပိုင်းပါဝင်ကြောင်းတွေ့ရသည်။ ယင်းတို့မှာ

 ( ၁ ) တာဝန် ( ၄ ) ရပ်ဖြစ်သောစီမံချက်ရေးဆွဲခြင်း၊ စုစည်းခြင်း၊ ဦးဆောင်မှုပေးခြင်းနှင့် ထိန်းချုပ်ကွပ် ကဲ ခြင်း စသည့်အချက်များနှင့်

 ( ၂ ) အဖွဲ့အစည်း၏ရည်မှန်းချက်ပန်းတိုင်အားထိရောက်အကျိုးရှိစွာ ရောက်ရှိ၊ ရရှိအောင်ဆောင်ရွက်ခြင်း ဟူ၍ဖြစ်သည်။

စီမံခန့်ခွဲမှု၏အဓိကအကျဆုံးဖြစ်သော လုပ်ငန်းတာဝန် ( ၄ ) ရပ်ကိုစတင်လေ့လာကြည့်ကြပါစို့။ အခန်း၏ နောက်ပိ်ုင်းတွင် အဖွဲ့အစည်းတစ်ခု၏ ထိရောက်စွာဆောင်ရွက်နိုင်မှုနှင့် စွမ်းဆောင်ရည်ကောင်း မွန်စွာ ဆောင်ရွက်နိုင်မှုများအပြင် မန်နေဂျာများအတွက် မိမိတို့၏လုပ်ငန်းတာဝန်များအားအောင်မြင်စွာ ဆောင်ရွက်နိုင်ရန် အတွက် လိုအပ်သောကျွမ်းကျင်မှုများနှင့်စပ်လျဉ်းပြီး ဆက်လက်ဆွေးနွေးသွားမည် ဖြစ်သည် ။

စီမံခန့်ခွဲမှု၏အဓိကတာဝန် ( ၄ ) ရပ်

ပုံ ( ၁.၂ ) တွင်မန်နေဂျာတစ်ဦးအနေဖြင့် အဖွဲ့အစည်း၏ရည်မှန်းချက်ကိုရရှိနိုင်ရန်အတွက် စီမံချက်ရေး ဆွဲခြင်း၊ စုစည်းခြင်း၊ ဦးဆောင်မှုပေးခြင်း နှင့် ထိန်းချုပ်ကွပ်ကဲခြင်း ဟူသည့် လုပ်ငန်းတာဝန် ( ၄ ) ရပ်မှ တဆင့် အဖွဲ့အစည်း၏ရင်းမြစ်များအားမည်ကဲ့သို့အသုံးပြု ဆောင်ရွက်သွားသင့်သည်ဆိုသည့် လုပ် ငန်းစဉ်အားဖော်ပြထားပါသည်။ ယခုစာအုပ်တွင် ပါဝင်သော အခန်းများတွင်ယင်း လုပ်ငန်းတာဝန်တစ်ခုချင်း စီနှင့် သက်ဆိုင်သောကျွမ်းကျင်မှုများ၊ လုပ်ငန်းရပ်များနှင့်အတူ မန်နေဂျာများယင်းလုပ်ငန်းတာဝန် ထမ်းဆောင်မှုကို လွှမ်းမိုးနိုင်သော ပတ်ဝန်းကျင်အခြေအနေများ၊ ကမ္ဘာလုံးဆိုင်ရာပြိုင်ဆိုင်မှုများနှင့် ကျင့် ၀တ်များအကြောင်းကို ဖော်ပြသွားမည်ဖြစ်သည်။

Planning ( စီမံချက်ရေးဆွဲခြင်း )

 စီမံချက်ရေးဆွဲခြင်း ( Planning ) ဆိုသည်မှာ  အဖွဲ့အစည်း၏အနာဂတ်တွင်ဖြစ်စေချင်သော စွမ်း ဆောင်နိုင်မှုဆိုင်ရာရည်မှန်းချက်ပန်းတိုင်များအား ဖော်ထုတ်သတ်မှတ်ပေးခြင်းနှင့် ယင်းရည်မှန်းချက်များ ရရှိနိုင်ရန်အတွက် လိုအပ်သောရင်းမြစ်များအားအသုံးချပုံနှင့်လုပ်ငန်းဆောင်တာများအားသတ်မှတ် ဆုံး ဖြတ်ပေးခြင်းကို ဆိုလိုခြင်းဖြစ်သည်။ တနည်းအားဖြင့် စီမံခန့်ခွဲမှုဆိုင်ရာစီမံချက်ရေးဆွဲ ခြင်းဆိုသည်မှာ အနာဂတ်တွင်မိမိ၏အဖွဲ့အစည်းအနေဖြင့်မည်သည့်နေရာကိုရောက်ရှိနေရမည်ဆိုခြင်းနှင့် ယင်း နေရာ သို့ရောက်အောင် မည်သို့သွားမည်ဆိုခြင်းဖြစ်သည်။  ကောင်းမွန်သော စီမံချက်ရေးဆွဲခြင်း ဥပမာ တစ်ခု အားဝေါ့ဒစ်စနေကုမ္ပဏီတွင်တွေ့နိုင်သည်။ ယင်းကုမ္ပဏီ၏စီအီးအိုဖြစ်သော ဘော့ဘ်အိုင်ဂျာ ( Bob Iger ) နှင့်  သူ၏ စီမံခန့်ခွဲမှုအဖွဲ့သည် ဖရန်ချိုက်လုပ်ငန်း ( များပြားလှတဲ့စီးပွားရေးလုပ်ငန်းတွေနဲ့ နယ်မြေ တွေ အကြားမှာ တန်ဖိုးတစ်ခုဖန်တီးခြင်းလို့ အိုင်ဂျာက အဓိပ္ပါယ်ဖွင့်ပါတယ် ) များ၏ရင်းမြစ်များအားအ လှည့်ကျဂရုပြုမှုများနှင့်ကုမ္ပဏီကို ပြန်လည်ပြီးဆန်းသစ်သွားရန်ဆုံးဖြတ်ခဲ့သည်။ ယိုနတ်ညီအစ်ကိုများ  ဖရန်ချိုက်လုပ်ငန်း ( Jonas Brothers Franchise ) အတွက် စုစည်းလုပ်ဆောင်သော စီမံချက်ရေးဆွဲခြင်း တွင် ဒစ်စနေ ဟောလီးဝုဒ် Records Label မှတဆင့် ဒေါင်းလုပ်ဆွဲခွင့်ပေးခြင်းနှင့် စီဒီများ ရောင်းချခြင်း၊ ဒစ်စနေရေဒီယိုတွင်ပုံမှန်ပါဝင်ခြင်း၊ ဟိုက်ပါရီယံဌာနခွဲ ( Hyperion Division ) မှနေ၍ စာအုပ်ပေးခြင်း၊ ကိုယ်ပိုင်ဒစ်စနေချန်နယ်တယ်လီဗီးရှင်းရှိုးပွဲများရှိခြင်း၊ ဒစ်စနေမှရိုက်ကူးသော ရုပ်ရှင်များတွင် ပါဝင်သရုပ်ဆောင်ခြင်း၊ မာချန်ဒိုက်ဇင်းဌာန၏ အက်ရှင်ကားများ၊ တီရှပ်များ၊ ခေါင်းအုံးများအား အကြိုက် တူခြင်း စသည်တို့ပါဝင်သည်။

Organizing

Organizing ဆိုသည်မှာ ပုံမှန်အားဖြင့် Planning ဆောင်ရွက်ပြီးနောက်ဆောင်ရွက်ရသော လုပ် ငန်းစဉ်တစ်ခုဖြစ်ပြီး အဖွဲ့အစည်းအနေဖြင့်  Plan ကိုဆောင်ရွက်နိုင်အောင် မည်သို့ကြိုးစားနေသည်ကို ထင်ဟပ်စေသည်။ Organizing တွင် လုပ်ငန်းတာဝန်များအား သတ်မှတ်ပေးခြင်း၊ ယင်းလုပ်ငန်းတာဝန် များအား စုပေါင်းပြီး ဌာနအဖြစ်ဖွဲ့စည်းခြင်း၊ လုပ်ပိုင်ခွင့်များခွဲဝေပေးခြင်း၊ ရင်းမြစ်များအားအဖွဲ့အစည်း အ တွင်း စနစ်တကျနေရာချထားခြင်းများပါဝင်သည်။ မကြာသေးမီနှစ်များက IBM၊ Catholic Church၊ Nokia နဲ့ FBI ကဲ့သို့သော ရှုပ်ထွေးကြီးမားသည့် အဖွဲ့အစည်းကြီးများသည်ယင်းတို့၏ပြောင်းလဲနေသော Plan များနှင့်ကိုက်ညီအောင် ဖွဲ့စည်းပုံပြုပြင်ပြောင်းလဲခြင်းများပြုလုပ်ခဲ့သည်။ MAC, Clinique, Bobbi Brown ကဲ့သို့သောလူကုံ ထံများအသုံးပြုသည့်အလှကုန်ထုတ်လုပ်သော Este'e Lauder မှမန်နေဂျာများသည် အားနည်းနေသောဈေးကွက်ထဲတွင် အရောင်းပမာဏကိုတိုးမြှင့်နိုင်ရန်အတွက် ပြုပြင်ပြောင်းလဲမှုများပြု လုပ်ခဲ့သည်။ Brand Line များ အကြား Brand တစ်ခုချင်းသီးခြားစီလုပ်ငန်းလည်ပတ်နေခြင်းနှင့်  အခြား သော Brand များနှင့်ပြိုင်ဆို်င်နေ ရခြင်းအတွက်  Brand များကို သုံးစွဲသူ Segments နှင့်မတူညီသော ဌာနခွဲမန်နေဂျာများအလိုက် အုပ်စုခွဲပြီး စုဖွဲ့ခဲ့သည်။

ဦးဆောင်မှုပေးခြင်း ( Leading )

ဦးဆောင်မှုပေးခြင်း ( Leading )ဆိုသည်မှာ အဖွဲ့အစည်း၏ ဦးတည်ရည်မှန်းချက် ကိုရောက်ရှိစေရန် အ တွက် ၀န်ထမ်းများအား အားပေးလှုံ့ဆော်နိုင်ရန်အတွက် ဦးဆောင်လွှမ်းမိုးခြင်းဖြစ်သည်။ ဦးဆောင်မှုပေး ခြင်း Leading တွင် တူညီသောအလေ့အထ ( Culture ) နှင့် တန်ဖိုးများအားဖန်တီးခြင်း၊ အဖွဲ့အစည်း အ တွင်းရှိဝန်ထမ်းများအားအဖွဲ့အစည်း၏ရည်မှန်းချက်ပန်းတိုင်ကို ဆက်သွယ်ဆက်ဆံအသိပေးခြင်း၊ ၀န်ထမ်း များအား မိမိတို့အစွမ်းရှိသ၍ကြိုးပမ်းအားထုတ်စေလိုစိတ်ဖြစ်ပေါ်စေခြင်းတို့ပါဝင်သည်။ လူတစ်ယောက် အနေဖြင့် လူသိများသော အကောင်းဆုံးမန်နေဂျာနှင့်အကောင်းဆုံးခေါင်းဆောင် တပြိုင်နက်တည်း ဖြစ်နေရန်မလိုအပ်ပါ။ ကမ္ဘာတစ်ဝှမ်းလုံးတွင်ရှိသော လုပ်ငန်းကြီးငယ်မဟူမှ လူသိမများလှသော မန်နေဂျာ များသည်လည်း ဌာန၊ အသင်းအဖွဲ့၊ စီးပွားရေးလုပ်ငန်းငယ်များ၊ အကျိုးအမြတ်ကိုဦးတည်ခြင်းမ ဟုတ် သောအဖွဲ့အစည်းများအတွင်းတွင် အားကောင်းစွာခေါင်းဆောင်နိုင်ကြကြောင်းကိုတွေ့ရသည်။ ဥပမာ အားဖြင့် Karakuda သည် ဟာဝါအီမှ Nextel Partner ၏ Nextel Communication ကျေးလက် ဈေး ကွက်ဌာနခွဲ၏ ဒေသဆိုင်ရာအထွေထွေမန်နေဂျာဖြစ်သည်။ သူမသည် သူမ၏၀န်ထမ်းများအားအားပေး လှုံ့ဆော် နိုင်စွမ်းနှင့် Inspire လုပ်နိုင်စွမ်းများကြောင့် ဤရာထူးကိုရရှိခဲ့ခြင်းဖြစ်သည်။ ၀န်ထမ်းများသည် သူမအ တွက် ၁၅၀ ရာခိုင်နှုန်းအလုပ်လုပ်ပေးကြသည်ဟု့ Nextel မှ Executive များကဆိုသည်။

မျှဝေခံစား၊ တွေးစရာလေးများ

 မျှဝေခံစား၊ တွေးစရာလေးများ

  ( တိုင်းပြည်တိုးတက်ချင်တယ်ဆိုရင်ဖြင့် )

သမီးလေးရေ၊ သမီးလေးကို ၂၀၀၅ ခုနှစ်ကမွေးခဲ့တာဆိုတော့ အခုဆိုရင် ( ၇ ) နှစ်တောင်ကျော်ခဲ့ပြီနော်။ သ မီးလေးကိုစပြီးမွေးခဲ့ကတည်းက တိုင်းပြည်အတွက် အဖိုးတန်အမျိုးကောင်းသမီးလေး ဖြစ် ဖို့အ တွက်ဖေဖေကရည်ရွယ်ပြီး ပြုစုပျိုးထောင် သွားမယ်လို့စဉ်းစားခဲ့တယ်။ တိုင်းပြည်အတွက် ၀န် ထုပ်ဝန်ပိုးမဖြစ်စေ ချင်ဘူး။ ဒါကြောင့်မို့လို့လဲ တခြားတော်တော်များများကလေးတွေမရနိုင်တဲ့ ပြုစု ပျိုးထောင်မှုမျိုးတွေ ပေး သွားနိုင်အောင် စဉ်းစားပြီး ဖေဖေကြိုးစားခဲ့တယ်။ အခုဆိုရင်သမီးလေးဟာ စာအုပ်စာပေကိုတန်ဖိုးထားတတ်တဲ့၊ စဉ်းစားတွေးခေါ်တတ်တဲ့၊ မေးခွန်းတွေအများကြီးမေးတတ်တဲ့၊ တခြားသူတွေကိုတန်ဖိုးထားတတ်တဲ့၊ ကြင်နာ သနား တတ်တဲ့၊ ကိုယ်ချင်းစာစိတ်ထားတတ်တဲ့သမီးလေးတယောက် ဖြစ်လာပြီပေါ့။ ဒါပေမယ့်ဖေဖေစဉ်း စား ကြည့်တယ်။ ဖေဖေတရားရဲ့လားလို့။ ဖေဖေ့သမီးလေးပဲ ကလေးမှမဟုတ်တာ။ တခြား ကလေးလေးတွေ လဲအများကြီးရှိနေသေးတာပဲ။ ဒီတာ့ဖေဖေစဉ်းစားကြည့်တယ်။ သမီးလေးကိုအိမ်မှာဆုံးမသွန်သင်သလိုပဲ တခြား ကလေးလးတွေ ကိုလဲ သွန်သင်ဆုံးမနိုင်မယ်ဆိုရင်တော့ အားလုံးအတွက်အကျိုးရှိမယ်လို့ ဖေဖေထင်တယ်လေ။ ဘာလို့လဲဆိုတော့ ဒီနေ့ကလေးငယ်တွေဟာအနာဂတ်ရဲ ခေ့ါင်းဆောင်လောင်းတွေဖြစ်လို့ပါ။ ဒီတော့ နောက်ပိုင်း ကျရင် ဖေဖေဖတ်ခဲ့၊ မှတ်ခဲ့၊ လေ့လာခဲ့တဲ့အထဲက သမီးလေးတို့တွေသိသင့်သိထိုက်တယ်လို့ယူဆတဲ့ အ ကြောင်း အရာလေးတွေကို မျှဝေသွားမယ်လို့စဉ်းစားခဲ့တယ်။

            အခုပထမဆုံး ပြောပြချင်တာကတော့ အိနိယနိုင်ငံကနံမည်ကျော်ခေါင်းဆောင်ကြီးတစ်ဦးက ပြောပြခဲ့ တဲ့ အကြောင်းအရာလေးပါ။ အဲဒီအကြောင်းအရာကလေးကတော့ဒီလိုသမီးလေးရေ။

 " သူငယ်ချင်းတို့ရေ။ ဒီလက်ချာကို ကျွန်တော်ဟိုက်ဒရာဘတ်မှာပေးခဲ့တာပါ။ အဲဒီတုန်းက ( ၁၄ ) နှစ် သမီးလေး တစ်ယောက်ကကျွန်တော့်ကိုသူ့စာအုပ်လေးမှာ အော်တိုရေးပေးဖို့လာပြီးပြောခဲ့တယ်။ အဲဒါနဲ့ သူ့ကို သူ့ရဲ့အနာ ဂတ်ဘ၀ရည်မှန်းချက်ကဘာလဲလို့ မေးဖြစ်ခဲ့တယ်။ အဲဒီအခါမှာ သူက ဘာပြန်ပြောလဲဆိုတော့ ဖွံ့ဖြိုး တိုးတက် တဲ့ အိန္ဒိယနိုင်ငံမှာနေချင်ပါတယ်တဲ့။ သူပြောသလို နေင်ဖို့အတွက် ကျွန်တော်တို့မှာတာဝန်ရှိမှာပေါ့နော်။ သူငယ် ချင်းအနေနဲ့ ငြင်းချင်ငြင်းပါလိမ့်မယ်။ အိန္ဒိယဟာ ဖွံ့ဖြိုးဆဲနိုင်ငံမဟုတ်ပါဘူး။ ကောင်းကောင်းကြီးကို ဖွံ့ဖြိုးနေပြီဖြစ်တဲ့နိုင်ငံတစ်ခုပါလို့။  အချိန် ( ၁၀ )မိနစ်လောက်များပေးနိုင် မလားသူငယ်ချင်း။

ကျွန်တော့်ကိုပြန်လည်ရှင်းပြခွင့်ပေးပါ။ ကျွန်တော်တို့ရဲ့တိုင်းပြည်အတွက် ( ၁၀ ) မိနစ်လောက် များ အချိန်မ ပေးနိုင်ဘူးလား။ ပေးနိုင်တယ်ဆိုရင်တော့ အခုကျွန်တော်ပြောမယ့်ဟာတွေကို ဖတ်ကြည့်ပြီး ကိုယ့်ဘာသာကိုယ် ဆုံးဖြတ်ကြည့် လိုက်ပါ။

•        အစိုးရဟာ စွမ်းဆောင်ရည်မပြည့်ဝဘူးလို့ပြောချင်ပါလိမ့်မယ်။

•        ဥပဒေတွေကလဲ ဟောင်းနွမ်းနေပြီပေါ့။

•        စည်ပင်ကလဲဘယ်တော့မှအမှိုက်လာမသိမ်းဘူး။

•        တယ်လီဖုန်းလိုင်းတွေကလဲမကောင်းဘူး။ မီးရထားနဲ့ခရီးသွားရတာလဲ ဟာသတစ်ခုပဲ။ ရှိတဲ့လေကြောင်းလိုင်းတွေကလဲကမ္ဘာပေါ်မှာအဆိုးဆုံးပေါ့။ စာပို့လိုက်ရင်လဲပို့တဲ့ဆီကို ဘယ်တော့မှမရောက်ဖူး။

•        အသုံးမကျတဲ့သူတွေကအုပ်ချုပ်နေပြီး အားနည်းချက်တွေကလဲအများကြီးပဲ။

အဲဒီလိုမျိုးပြောစရာအချက်တွေကအများကြီးဖြစ်နေပါတယ်။ သူငယ်ချင်းဘာလုပ်မှာလဲ။ တစ်ခု စဉ်းစားကြည့်ရအောင်။ လူတစ်ယောက်ကိုစင်ကာပူကိုပို့လိုက်ကြရအောင်။ သူ့နာမည်ကိုသူငယ်ချင်း နာမည်ပဲပေးလိုက်ပြီး သူငယ်ချင်းရဲ့မျက်နှာနဲ့ပဲပေါ့။ ဆိုပါစို့။ သူငယ်ချင်းကိုယ်တိုင်ပဲ သွားတယ်ပဲ ဆိုပါစို့ရဲ့။

•        လေဆိပ်ကရောက်ပြီဆိုတာနဲ့ ကမ္ဘာ့အကောင်းဆုံးလေဆိပ်တစ်ခုကိုရောက်သွားပြီဆိုတာ သတိထားမိပါလိမ့်မယ်။

•        စင်ကာပူမှာဆိုရင် စီးကရက်ဆေးလိပ်အစီခံတွေကိုလမ်းပေါ်မှာပစ်လို့မရသလိုပဲ စတိုးဆိုင် တွေထဲမှာ အစားအသောက်ယူစားလို့မရပါဘူး။

•        သူတို့ဆီက မြေအောက်မီးရထားလမ်းတွေကသိပ်ကောင်းတယ်လို့ပြောချင်ပြောလိုက်ပါ။

•        Orchard Road မှာကားမောင်းသွားဖို့အတွက် စင်ကာပူဒေါ်လာ ( ၅ ) ဒေါ်လာပေးရပါ လိမ့်မယ်။ တကယ်တော့Orchard Road ဟာလဲ ညနေ ( ၅ ) နာရီနဲ့ ( ၈ ) နာရီ ကြား ဆိုရင် Mahim Causeway  ဒါမှမဟုတ်  Orchard Road နဲ့အတူတူပါပဲ။

•        ကားပါကင်မှာကြာကြာလေးရပ်လိုက်တာနဲ့ ပါကင်လက်မှတ်မှာအပေါက်ကလေးတွေ အများ ကြီးဖြစ်သွားမှာ့ပါ။ စင်ကာပူမှာဖြစ်တဲ့အတွက် သူငယ်ချင်းဘာမှပြန်ပြောလို့မရပါဘူး။ ဟုတ် တယ် မဟုတ်လား။

•        ဒူဘိုင်းလိုနိုင်ငံမျိုးမှာဆိုရင် ရာမဒန်ဥပုသ်လလိုမျိုးမှာ လူအများရှေ့မှာသူငယ်ချင်း အစား စား လို့ရပါ့မလား။

•        နောက်ပြီး  Jeddah  လိုနေရာမျိုးမှာဆိုရင် ခေါင်းမှာဘာအကာအကွယ်မှမပါပဲနဲ့လဲ သူငယ် ချင်း အပြင်ထွက်ရဲမှာမဟုတ်ပါဘူး။

•        လန်ဒန်လိုနေရာမျိုးမှာ ကိုယ့်တယ်လီဖုန်းဘေလ်ကို တခြားလူတွေကိုလွှဲချဖို့အတွက် တယ် လီဖုန်းအိပ်ချိန်းကလူကို တလကို ( ၁၀ ) ပေါင်လောက်နဲ့လုပ်ပေးဖို့ ပြောရဲမှာမဟုတ်ဖူး။

•        နောက်ပြီး ၀ါရှင်တန်လိုနေရာမျိုးမှာတနာရီကို ( ၅၅ ) မိုင်နှုန်းထက်ပိ်ုမောင်းရဲမှာ မဟုတ် သလိုပဲ ယာဉ်ထိန်းရဲကိုလဲ ဓ ခင်ဗျားကျုပ်ကိုဘယ်သူလို့ထင်လဲ။ ကျုပ်ကဘယ်သူ့သားဗျ ဓ ဆိုတဲ့ စကားမျိုးလဲပြောရဲမှာမဟုတ်ပါဘူး။

•        သြစတေးလျနဲ့နယူးဇီလန်ကမ်းခြေတွေမှာဆိုရင်လဲ စားပြီး၊ သောက်ပြီးသားအုန်းသီးခွံကို အ မှိုက်ပုံးထဲကလွဲလို့ ပစ်ချင်သလိုပစ်လို့မရပါဘူး။ ပြီးတော့ တိုကျိုကလမ်းတွေပေါ်မှာဆိုရင် တံတွေးတောင်ထွေးရဲမှာမဟုတ်ဖူး။ ဘော့ စတွန်မှာဆိုရင် စာမေးပွဲမှာစာခိုးချတာဒါမှမဟုတ် ဘွဲ့လက်မှတ် အတုဝယ် တာတွေ ဘာလို့လုပ်လို့မရတာလဲ။ အခုသူငယ်ချင်းအကြောင်း ပြော နေတာနော်။ သူငယ် ချင်းကတခြားနိုင်ငံတွေမှာတော့ သူတို့နိုင်ငံကချမှတ်တဲ့စည်းကမ်း၊ ဥပဒေ တွေကို လိုက်နာပြီး ကိုယ့်တိုင်းပြည်မှာကျတော့ ဘာဖြစ်လို့မလိုက်နာနိုင် ရတာလဲ။ အိန္ဒိယကိုပြန်ရောက် တာနဲ့ စာရွက်စုတ်တွေ၊ စီးကရက်အစီခံတွေကိုဘာလို့ လမ်းပေါ်ကိုပစ်ချရတာလဲ။ တခြားနိုင်ငံတွေမှာမြို့ကြီးသားပီပီသသနေနိုင်ခဲ့ပြီး  ကိုယ့်တိုင်းပြည်မှာကျတော့ဘာလို့မနေနိုင်ရတာလဲ။

တခါတုန်းကအင်တာဗျူးတစ်ခုမှာ ဘုံဘေက အငြိမ်းစားမြူနီစပယ် အရာရှိကြီး တစ်ယောက်ဖြစ်တဲ့ Mr.Tinaikar    ကထောက်ပြခဲ့တာလေးရှိပါတယ်။ ပိုက်ဆံချမ်း သာတဲ့ သူတွေဟာခွေးတွေနဲ့အတူ လမ်းပေါ်မှာလမ်းလျှောက်ထွက်ကြပြီး အဲဒီခွေးက ပါချတဲ့မစင်တွေနဲ့ ညစ်ပတ်နေစေတယ်။ အဲဒီလူ တွေကပဲ လမ်းတွေကညစ်ပတ်နေ တာပဲ ၊ တာဝန်ရှိတဲ့သူတွေအလုပ့်မလုပ်ကြဘူးလို့ အပြစ်တင်ကြ တယ်။ သူတို့က တာဝန်ရှိတဲ့သူတွေကိုဘာလုပ်စေချင်ကြတာလဲ။ ခွေးတွေမစင်စွန့်ပြီးတဲ့အခါတိုင်း မှာ တံမျက်စည်းတစ်ချောင်းကိုင်ပြီး သန့်ရှင်းရေးလုပ်စေချင်တာလား။ အမေရိကန်မှာ ဆိုရင် ခွေးပိုင်ရှင်တွေဟာ သူတို့ခွေးတွေမစင်စွန့်တဲ့အခါ သူတို့ကိုယ်တိုင်က သန့်ရှင်းရေးချက်ခြင်း ပြန်လုပ်ကြရပါတယ်။ ဂျပန်မှာလဲအဲဒီလိုပါပဲ။ အိနိယနိုင်ငံသားတွေကကောအဲဒီလို လိုက်လုပ်ကြမှာ လားတဲ့။  သူပြောတာမှန်ပါတယ်။ ကျွန်တော်တို့ကမဲရုံကိုသွားပြီး အစိုးရတစ်ခုကိုမဲပေး ရွေးချယ် လိုက်ကြတယ်။ ကျန်တာအကုန်အစိုးရရဲ့တာဝန်လို့ယူဆကြတယ်။ ကျွန်တော်တို့ဘက်ကတိုင်းပြည် အတွက် ဘာတစ်ခုမှတာဝန်မယူပဲနဲ့ လိုအပ်တာအားလုံးကိုအစိုးရကပဲ လုပ်ပေးရမယ်လို့ မျှော်လင့် နေကြတယ်။ ကိုယ်နေတဲ့နေရာကအမှိုက်တွေကိုအစိုးရကတာဝန်ယူပြီးသိမ်းပေးမှာပဲလို့ မျှော်လင့်ပြီး ကိုယ်တိုင်ကအမှိုက်တွေဆက်တိုက်ပစ်နေကြတယ်၊ ဒါမှမဟုတ်ရင်လဲ တွေ့တဲ့အမှိုက်တစ်စကို ကောက်ယူပြီးအမှိုက်ပုံးထဲကိုမပစ်ဘဲနေနေကြတယ်။ ရထားပေါ်ကသန့်စင်ခန်းတွေကို အမှိုက်တစ်စ မရှိပဲ သန့်ရှင်းနေစေချင်ပြီး အဲဒီသန့်စင်ခန်းကိုဘယ်လိုစနစ်တကျအသုံးပြုသင့်တယ်ဆိုတာ မလေ့ လာပဲနေကြတယ်။

လေကြောင်းလိုင်းကလေယာဉ်တွေအပေါ်မှာလဲ အကောင်းဆုံးအစားအသောက်နဲ့ သန့်စင်ခန်း သုံးပစ္စည်းတွေကို ရှိနေစေချင်ပြီင်္း အသေးအဖွဲလေးပဲဖြစ်ဖြစ်လက်ဆော့ချင်တဲ့အကျင့်တွေကိုတော့မ ဖျောက်နိုင်ကြဘူး။ အဲဒီအကျင့်ဟာ လူထုကိုဝန်ဆောင်နေတဲ့ အစိုးရ၀န်ထမ်းတွေအတွက်လဲ မှန်နေ ပြန်တယ်။ အမျိုးသမီးတွေနဲ့ပတ်သက်တဲ့ကိစတွေ၊ လက်ဖွဲ့ပစ္စည်းတွေ၊ မိန်းကလေးမွေးတဲ့ကိစ္စတွေနဲ့ ပတ်သက်တဲ့ကိစ္စတွေမှာလဲ လူကြားကောင်းအောင်ပြောနေကြပေမယ့် ကိုယ့်အိမ်မှာကြတော့ ပြောင်းပြန်ကျင့်သုံးနေကြတယ်။ ကိုယ့်ကိုယ်ကိုတော့ခွင့်လွှတ်လိုက်တတ်ကြတာ။ ပြောင်းလဲဖို့ တကယ်လိုအပ်နေတာကတော့ စနစ်တစ်ခုလုံးပဲဖြစ်တယ်။

အဲဒီတော့မေးခွန်းတစ်ခုက စနစ်ကိုဘယ်သူကပြောင်းလဲမှာလဲ။ အဲဒီစနစ်မှာဘာတွေပါမှာလဲ။ တ ကယ်တော့အဲဒီစနစ်ထဲမှာ ကျွန်တော်တို့ကိုယ်တိ်ုင်ရယ်၊ ကျွန်တော်တို့ရဲ့အိမ်နီးနားချင်းတွေရယ်၊ တိုင်းပြည်ထဲမှာ ရှိတဲ့တိုင်းသူပြည်သားအားလုံးနဲ့ အစိုးရတို့ပါဝင်တာဖြစ်ပါတယ်။ သူငယ်ချင်းနဲ့ကျွန် တော်နဲ့နှစ်ယောက်ထဲတော့မဟုတ်ဖူး။ တကယ်လို့သာကျွန်တော်တို့နဲ့ကျွန်တော်တို့ရဲ့မိသားစုတွေ ရှိနေတဲ့စနစ်အတွက် လုံခြုံစိတ်ချရတဲ့ အနေအထားတစ်ခုရရှိဖို့အပြုသဘောဆောင်တဲ့ ပြုပြင် ပြောင်းလဲမှုတွေ လိုအပ်လာခဲ့မယ်ဆိုရင် ဟိုးအဝေးကြီးကတိုင်းပြည်က ဦးသန့်ရှင်းတစ်ယောက် ကိုခေါ်ပြီး မယုံကြည်နိုင်လောက်တဲ့အပြောင်းအလဲတွေကိုခေါ်ပြီးလုပ်ခိုင်းမလား၊ ဒါမှမဟုတ် မဖြစ် နိုင်ဘူးလို့စဉ်းစားပြီး တခြားတစ်နေရာကိုထွက်သွားမလားကျွန်တော်တို့စဉ်းစားရပါလိမ့်မယ်။

အကြောက်တရားတွေနဲ့ ခပ်ညံ့ညံ့အသုံးမကျတဲ့သူတွေအဖို့ အမေရိကန်လိုနိုင်ငံမျိုးကို ထွက် သွားပြီး သူတို့ရဲ့ကောင်းမွန်တယ်လို့ယူဆတဲ့စနစ်တွေကိုချီးမြှောက်ပြီးလိုက်နာကျင့်သုံးမယ်ဆိုပါစို့။ နယူးယောက်ကနေဖို့အတွက်မလုံခြုံတော့ဘူးလို့ခံစားရမယ်ဆိုရင် အင်္ဂလန်ကိုထွက်ပြေးကြမယ်ပေါ့။ အင်္ဂလန်မှာအလုပ်လက်မဲ့တွေများလို့အလုပ်မရှိတဲ့အခါကြရင် ပင်လယ်ကွေ့နိုင်ငံတွေကိုထွက်ပြေးဦး ပေါ့။ ပင်လယ်ကွေ့မှာ စစ်ပွဲတွေဖြစ်ပြန်တော့ အိနိယအစိုးရကနေ ပြန်လာခေါ်ပြီး ကယ်တင်ဖို့ပြန် ပြောကြဦးမှာလား။ ဒါဆိုရင်တော့တိုင်းပြည်ကထွက်ပြေးသွားပြီး တိုင်းပြည်ကိုစော်ကားတာနဲ့ အတူ တူပဲဖြစ်မှာပေါ့။ ဘယ်သူကမှဒီစနစ်ပိုပြီးကောင်းမွန်လာအောင်မကြိုးစားတော့ဘူးလား။ ကျွန် တော် တို့ရဲ့ ကိုယ်ကျင့်သိက္ခာကို ငွေကြေးနဲ့လဲလှယ်မှာလား။

အိန္ဒိယနိုင်ငံသားတို့ခင်ဗျား။ အခုကျွန်တော်ပြောခဲ့တာတွေက စဉ်းစားစရာတွေ အများကြီး ပါမယ်လို့ထင်ပါတယ်။ ကျွန်တော်တို့ကိုယ့်ကိုယ်ကိုပြန်လည်ဆန်းစစ်ဖို့ အများကြီးလိုနေပြီဖြစ်ပါ တယ်။ ဒီနေရာမှာဂျေအက်ဖ်ကနေဒီရဲ့ စကားလေးတစ်ခွန်းကိုးကားချင်ပါတယ်။ အဲဒါကတော့ ဓ ဒီ ကနေ့ အမေရိကန်နဲ့ အခြားအနောက်နိုင်ငံတွေရောက်ရှိနေတဲ့အနေအထားမျိုးရောက်ရှိဖို့အတွက် ကနေ့မှာ ကျွန်တော်တို့ အိန္ဒိယနိုင်ငံအတွက်ဘာတွေလုပ်ပေးနိုင်မလဲ။ ဘာတွေလုပ်ပေးဖို့ လိုအပ် နေပြီလဲဆိုတာ ၀ိုင်းပြီးစဉ်းစားကြရအောင်ပါ။ ကျွန်တော်တို့ကိုယ်နိုင်တဲ့အပိုင်းကကိုယ်ဝင်ပြီး တာဝန် ယူပေးသင့်ပြီလို့ထင်ပါတယ်။

          သမီးလေးရေ၊ အခုပြောခဲ့တဲ့အကြောင်းအရာလေးက ဘယ်သူပြောခဲ့တာလို့ထင်သလဲ။ အိန္ဒိယနိုင်ငံရဲ့ ဒုံးပျံပညာရှင်ကြီးလဲဖြစ်၊ နိုင်ငံတော်သမ္မတတာဝန်ကိုလဲထမ်းဆောင်ခဲ့တဲ့သူလဲဖြစ်တဲ့ ဒေါက်တာအေပီဂျေအဗဒူကလမ် ပြောခဲ့တာပါ။ ပညာဥာဏ်ကြီးမားသူပီပီ ပြောသွားခဲ့တဲ့အကြောင်း အရာ ကလေးကလဲ တွေးစရာတွေအများကြီးပါတယ်နော်။

          သူပြောသွားတာမှန်တယ်လို့ဖေဖေတော့ယူဆတယ်။ ဘာလို့လဲဆိုတော့Change Change လို့ဆိုတိုင်းမှာဖေဖေတို့ကကိုယ့်ကိုယ်ကိုအရင်ဆုံး Change သင့်တယ်လို့ယူဆတယ်။ တခြားသူကို အပြစ်တင်တယ်ဆိုတာလူတိုင်းလုပ်တတ်ပါတယ်။ သမီးလေးကြော်ငြာကြည့်ဖူးမှာပေါ့။ နာမည်ကြီး မင်းသားတစ်ယောက်နဲ့ကြော်ငြာတာလေ။ ဟိုလိုလုပ်ပါလား၊ ဒီလိုလုပ်ပါလား၊ ငါလဲမလုပ်တတ်ဖူး ဆိုတာလေ။ နောက်ပြီးတော့ တခါတစ်ရံမှာဖေဖေတို့က အားလုံးအတွက်မှလုပ်မယ်လို့စဉ်းစားရင်း နဲ့ ဘယ်သူ့အတွက်မှမလုပ်ဖြစ်တော့တာမျိုးတွေလဲ ရှိသေးတယ်။ တကယ်တော့ ပင်လယ်ကမ်းစပ် က ကြယ်ငါးလေးတွေကိုတကောင်ချင်းလွှတ်ပစ်တဲ့လူထားတဲ့ စိတ်ထားမျိုးထားတာအကောင်းဆုံးပါ။ ဖေဖေတို့တစ်ဦးချင်းစီက ကိုယ်နိုင်တဲ့ဝန်ကိုဝင်ပြီးထမ်းပေးကြမယ်ဆိုရင်ဖြင့် တိုင်းပြည်နဲ့လူမျိုးအ တွက် အကောင်းဆုံးဖြစ်မှာပါ။ သမီးလေးလဲကြီးလာရင် ကြီးကြီးကျယ်ကျယ်တွေပြောမနေပဲ သမီး လေးနိုင်တဲ့ဝန်ကို တိုင်းပြည်နဲ့လူမျိုးအတွက် ၀င်ပြီးထမ်းပေးမယ့်သူတစ်ယောက်ဖြစ်အောင် ကြိုးစား ရမယ်နော်။

မိဘ

ဒီလိုစာတိုလေးတစ်ခု ဖတ်ရတယ်....

"ကိုယ်အောင်မြင်တဲ့အရှိန်က မိဘအိုမင်းသွားတဲ့အရှိန်ထက် မြန်ရမယ်"တဲ့..

ကျွန်မကဒီလိုထပ်ဖြည့်ချင်တယ်..

အောင်မြင်သည်ဖြစ်စေ မအောင်မြင်သည်ဖြစ်စေ

မိဘတွေကိုကျွေးမွေးစောင့်ရှောက်မယ်ဆိုတဲ့အသိက မိဘအိုမင်းသွားတဲ့အရှိန်ထက် မြန်ရမယ်

ပိုက်ဆံအများကြီးရသည်ဖြစ်စေ မရသည်ဖြစ်စေ

မိဘတွေကိုကျွေးမွေးစောင့်ရှောက်မယ်ဆိုတဲ့အသိက မိဘအိုမင်းသွားတဲ့အရှိန်ထက် မြန်ရမယ်

အားလပ်ချိန်ရှိသည်ဖြစ်စေ မရှိသည်ဖြစ်စေ

မိဘတွေကိုကျွေးမွေးစောင့်ရှောက်မယ်ဆိုတဲ့အသိက မိဘအိုမင်းသွားတဲ့အရှိန်ထက် မြန်ရမယ်

မိဘတွေဆီ ဖုန်းဆက်တိုင်း သူတို့က "သားတို့ သမီးတို့ အောင်မြင်နေပြီလား၊

ပိုက်ဆံအများကြီးစုမိပြီလား"လို့

မေးတတ်ကြမယ် မထင်ဘူး။ သူတို့မေးတတ်တာက "နေကောင်းလား၊ ကျန်းမာရေးကို

ဂရုစိုက်နော်၊ အဆာမခံနဲ့"ဆိုတာပဲဖြစ်မယ်

ထင်ပါတယ်။


နိုင်းနိုင်းစနေ
--

“ရလဒ်ကောင်းတွေရရှိဖို့အကဲဖြတ်စံနစ်ကျင့်သုံးစို့” (၅)

မြတ်သုတလှိုင်ဝင်း (EMPA-8)

ရာထူးတိုးပေးခြင်းဟာ စွမ်းဆောင်ရည်အကဲဖြတ်ခြင်းနဲ့ဆက်စပ်နေလို့ ယခုအပတ်မှာတော့ ရာထူးတိုးပေးခြင်းဆိုင်ရာနဲ့ပတ်သက်တာတွေကို တင်ပြသွားမှာဖြစ်ပါတယ်။

လုပ်ငန်းတွေမှာ တာဝန်ထမ်းဆောင်နေကြတဲ့ ၀န်ထမ်းတွေကို တိုးတက်နိုင်ဖို့အခွင့်အလမ်း တွေ ပေးဖို့လိုအပ်ပါတယ်။ ၀န်ထမ်းတွေအနေနဲ့ မိမိကြိုးစားလျှင်ကြိုးစားသလို တက်လမ်းရှိမယ်ဆိုလျှင် ၄င်းတို့လုပ်ကိုင်နေတဲ့အဖွဲ့အစည်းမှာရေရှည် လုပ်ကိုင်သွားနိုင်မှာဖြစ်ပါတယ်။ ၀န်ထမ်းတွေကိုထိန်းထား နိုင် တဲ့ဗျူဟာတစ်ခုလို့ဆိုနိုင်ပါတယ်။ ၀န်ထမ်းတွေဘက်ကလည်း၊ ကြိုးစားရကျိုးနပ်မှာဖြစ်ပါတယ်။ ဒါဆိုရင် ၀န်ထမ်းတွေရဲ့ အောင်မြင်မှုတွေကို ဘယ်လိုတိုင်းတာနိုင်မလဲ။ ဘယ်လိုသိနိုင်မလဲ။ ဘယ်သူ တွေကို ရာထူးတိုးပေးရမယ်၊ လစာတိုးပေးရမယ်၊ ဘယ်ဝန်ထမ်းတွေကိုတော့ လေ့ကျင့်သင်ကြားမှုတွေ ပေးဖို့ လိုအပ်မယ် စတာတွေကို သိဖို့ကတော့ စနစ်ကျတဲ့စွမ်းဆောင်ရည်အကဲဖြတ်နည်းနဲ့ဘဲ မှန်မှန် ကန်ကန်သိ နိုင် ပါတယ်။

“၀န်ထမ်းတွေကို ရာထူးတိုးပေးခြင်းကို လက်တွေ့ကျင့်သုံးလေ့ရှိကြတဲ့ ကုမ္ပဏီတွေဟာ အအောင်မြင်ဆုံးဖြစ်ကြတယ်လို့သတိပြုမိပါတယ်။”ဟု Hewlett-Packard ကိုပူးပေါင်းထူထောင်သူဖြစ်တဲ့ David Packard(၁၉၁၂-၁၉၉၆)ကဆိုထားပါတယ်။

မျှော်မှန်းထားတာထက်ကျော်လွန်တဲ့ စွမ်းဆောင်ရည်တွေအမျိုးမျိုးရှိနိုင်ပါတယ်။ သာမန်အားဖြင့် ခေါင်းဆောင်မှုစွမ်းရည်၊ အထက်မှခိုင်းစေမှုမရှိဘဲ မိမိအသိစိတ်ဓါတ်ဖြင့်စတင်ဆောင်ရွက်တတ်မှု၊ ထုတ်လုပ်မှုစွမ်းအား၊ လုပ်ဖေါ်ကိုင်ဖက်တွေ၊ အထက် အရာရှိတို့နဲ့ ဆက်ဆံရေး၊ စတာတွေကို တိုင်းတာလေ့ရှိကြ ပါတယ်။

ရာထူးတိုးပေးခြင်းဆိုတာ ရိုးရိုးစင်းစင်းဘဲ ရာထူးနာမည်ပြောင်းလဲခြင်းမဟုတ်ဘူးဆိုတာ သတိပြု စေချင်ပါတယ်။ အချို့လုပ်ငန်းတွေမှာ ၀န်ထမ်းဟာအလုပ်ကနေနှုတ်ထွက်သွားမှာစိုးလို့ ရာထူးတိုးပေး လိုက်တာတွေ၊ ၀န်ထမ်း ဟာလုပ်ချင်ကိုင်ချင်စိတ်တွေတက်လာအောင် ရာထူးတိုးပေးတာ၊ သူဌေးရဲ့ ဆွေမျိုးဖြစ်လို့ရာထူးတိုးပေးတာ၊ စသည်ဖြင့် စွမ်းဆောင်ရည်အပေါ်အခြေမခံဘဲ၊ လူပုဂ္ဂိုလ်ပေါ်အခြေခံပြီး အလွယ်တကူဘဲရာထူးတိုး ပေးလေ့ရှိကြပါတယ်။ အရည်အချင်းပြည့်မှီတာတွေ၊ မမှီတာ တွေမစဉ်းစား ဘဲအလွယ်လုပ်လေ့ရှိကြ ပါတယ်။ လုပ်ငန်းရှင်တွေရဲ့တွန်းအား၊ Top management တွေရဲ့ တွန်းအား ကြောင့်လည်းလုပ်ကြရပါတယ်။ ဒါဆိုရင်တော့ ရာထူးတိုးပြီးရင်းတိုးနေကြပါလိမ့်မယ်။ ရာထူးတွေဖေါင်း ပွနေပါမယ်။ ရာထူးတိုး ပေးတယ်ဆိုတာဟာ၊ ရာထူးအမည်တိုးတက်သွားတယ်၊ ခံစားခွင့်တိုးသွားတယ်၊ ဆိုရုံနဲ့မလုံလောက်ပါ။ ၀န်ထမ်းတွေကိုအုပ်ချုပ်မှုအပိုင်းတွေ၊ စီမံကိန်းတွေ၊ အရင်းအမြစ်တွေ၊ ဘတ်ဂျက်တွေ အစရှိတာတွေ နဲ့ပတ်သက်ပြီး၊ တာဝန်တွေတိုးယူနိုင်ရမယ်၊ တာဝန်ခံနိုင်ရပါမယ်။

လုပ်ရိုးလုပ်စဉ်အားဖြင့် တစ်နှစ်တစ်ခါ စွမ်းဆောင်ရည်အကဲဖြတ်ပြီး၊ ၀န်ထမ်းတွေကို ရာထူးတိုး ပေးလေ့ရှိကြပါတယ်။ သို့သော် သင့်တော်မယ့်အချိန်မှာ တိုးပေးမယ်ဆိုရင် ပိုကောင်းပါလိမ့်မယ်။ ဥပမာအားဖြင့် အခြားဝန်ထမ်းတွေကို ထူးချွန်စွာကြီးကြပ်နိုင်ခြင်း၊ အဖွဲ့အစည်းအလိုက်လုပ်ရတဲ့နေရာမှာ ထူးခြားစွာပူးပေါင်းပါဝင်ဆောင်ရွက်ခြင်း၊ သတ်မှတ်ထားတဲ့ရည်မှန်းချက်ကိုကျော်လွန်အောင်မြင် အောင် ဆောင်ရွက်နိုင်တဲ့အခါမှာ ရာထူးတိုးပေးသင့်ပါတယ်။ စွမ်းဆောင်ရည်ကောင်းတိုင်းရာထူးတိုးပေးရမလား ဆိုတာကိုတော့၊ တရားသေမှတ်ဆောင်ရွက်လို့မရပါ။ ခွင့်ပြုထားတဲ့ ဖွဲ့စည်းပုံပါ ၀န်ထမ်းအင်အားအရ လစ်လပ် ရာထူးရှိခြင်း၊ (သို့) အထက်ရာထူးမှ နှုတ်ထွက်သွားခြင်း၊ ထုတ်ပယ်ခံရခြင်း၊ စတာတွေကြောင့် အထက်ရာထူးလစ်လပ် သွားပါက အထက်မှာဆိုခဲ့သလို ထူးချွန်သူဖြစ်မယ်၊ အရည်အချင်းပြည့်ဝ မယ်ဆိုရင် ရာထူးတိုးပေးသင့် ပါတယ်။

ထူးချွန်သူများကိုရာထူးတိုးပေးခြင်း။

လုပ်ငန်းထဲမှ ၀န်ထမ်းတွေကို ရာထူးတိုးပေးခြင်းအားပိုပြီးနှစ်လိုဖွယ်ကောင်းပါတယ်။ အချို့ လုပ်ငန်းတွေဟာ ပြင်ပမှ အလုပ်ခေါ်ခြင်းမပြုမီ မိမိလုပ်ငန်းထဲမှာရှိနေတဲ့ လျှောက်ထားလိုသူ တွေရဲ့ အရည်အချင်းကိုသုံးသပ်စစ်ဆေးခြင်းကိုအရင်လုပ်လေ့ရှိပါတယ်။ ဆိုလိုတာကတော့ လစ်လပ် ရာထူး အတွက် လုပ်ငန်းအတွင်းမှာအရင်ရှာမယ်၊ မကိုက်ညီဘူးဆိုမှ အပြင်ကခေါ်တာပိုကောင်းပါတယ်။ ဒါမှ လည်း၊ အားသာချက်အနေနဲ့ လက်ရှိ တာဝန်ထမ်းဆောင်နေတဲ့ဝန်ထမ်းတွေအတွက် တိုးတက်နိုင်မယ့် အခွင့်အလမ်းဖွင့်ပေးရာရောက်ပြီး၊ လုပ်ငန်းအတွင်းမှ ဖြည့်ခြင်းအားဖြင့် ကုမ္ပဏီရဲ့စည်းကမ်း၊ ဓလေ့၊ လုပ်ဖေါ်ကိုင်ဖက်တွေနဲ့ရင်းနှီးပြီးဖြစ်လို့၊ သင်ပေးစရာမလို၊ ရင်းနှီးအောင်အချိန်ပေးစရာမလို၊ စနစ်တွေနဲ့ ရင်းနှီးပြီးသားဖြစ်တဲ့ အားသာချက်တွေရှိ ပါတယ်။ သို့သော် တခါတရံမှာ လက်ရှိလုပ်ငန်းအတွင်းမှာ မရနိုင်တဲ့ ကျွမ်းကျင်မှုအရည်အချင်း တွေလိုချင်တဲ့အခါ၊ စိတ်ကူး စိတ်သန်းအသစ်တွေလိုချင်တဲ့အခါမှ ပြင်ပကနေ ခေါ်သင့်ပါတယ်။

တကယ်တော့ လုပ်ငန်းတွင်းမှ ရှိနေပြီးတဲ့ဝန်ထမ်းတွေကို ရာထူးတိုးပေးခြင်းဟာ အဲဒီလုပ်ငန်း ရဲ့စွမ်းဆောင်ရည်ကို ပိုမိုတိုးတက်စေပါတယ်။ West Newton က Genesis Advisers LLC ကိုတည်ထောင်သူ Michael Watkins ရဲ့အဆိုအရ (၄၀)ရာခိုင်နှုန်းသော ပြင်ပမှခေါ်ယူခန့်ထားတဲ့ အမှုဆောင်(Executive)တွေဟာ (၁၈)လခန့်အကြာကာလမှာ အရှုံးတွေနဲ့ရင်ဆိုင်ရပြီး၊ တ၀က် လောက်ဟာ နှုတ်ထွက်သွားတတ်ပါတယ်။ ဆန့်ကျင်ဘက်အနေနဲ့ လုပ်ငန်းတွင်းမှ ၀န်ထမ်းတွေကို အမှုဆောင် (Executive)နဲ့မန်နေဂျာရာထူးတွေကိုတိုးပေးလိုက်မယ်ဆိုရင်၊ ပြင်ပမှရောက်လာသူတွေထက် စွမ်းဆောင်ရည်အမြင့်ဆုံးနဲ့၊ အမြန်ဆုံးရောက်ရှိနိုင်ပြီး၊ သူတို့တွေဟာ ကုမ္ပဏီမှာပိုပြီးတော့ လဲစွဲစွဲ မြဲမြဲလုပ်နိုင်ကြပါတယ်။

သတိပြုသင့်တာကတော့ ရာထူးလျှင်လျှင်မြန်မြန်နဲ့တိုးပေးခြင်းဟာ အန္တရာယ်ရှိနိုင်ပါတယ်။ ချင့်ချိန်ပြီးလုပ်သင့်ပါတယ်။ ဒီနေရာမှာ ကိုယ်တွေ့လေးတစ်ခုတင်ပြချင်ပါတယ်။ တော်ပြီး၊ ချီးမြှောက် လိုတဲ့အတွက်ရာထူးတိုးပေးလိုက်တဲ့အခါ၊ အဲဒီ ကျွမ်းကျင်ဝန်ထမ်းဟာ တိုးပေးလိုက်တဲ့အငယ်တန်း စီမံခန့်ခွဲရေးရာထူးအတွက် စီမံခန့်ခွဲမှုအရည်အချင်း တွေအဆင်သင့်မဖြစ်သေးတော့၎င်းအုပ်ချုပ်ရတဲ့ section မှာပြဿနာတွေဖြစ်ပြီး၊ နောက်ဆုံးမှာ ထိုဝန်ထမ်းစိတ်ညစ်ပြီးဘယ်လိုမှတားမရဘဲ အလုပ်ကနေ နှုတ်ထွက်သွား ခဲ့ပါတယ်။ ဒါကိုပြန်သုံးသပ်ကြည့်မယ်ဆိုရင်ကျွမ်းကျင်ဝန်ထမ်းတစ်ဦးဆုံးရှုံးသွား သကဲ့သို့ အငယ်တန်း စီမံခန့်ခွဲရေးတစ်ဦးလည်းဖြစ်မလာခဲ့ပါ။

ထူးချွန်ပြီး၊ တော်တဲ့ ၀န်ထမ်းတစ်ဦးကို မန်နေဂျာရာထူးတိုးပေးလိုက်ခြင်းဟာ မှန်ကန်တဲ့လုပ်ရပ် လို့ဆိုနိုင်သော်လည်း၊ ထိုသူဟာ တိုးပေးလိုက်တဲ့ရာထူးနဲ့အညီ ရင့်ကျက်ဖို့တော့လိုတာပေါ့။ အရေးကြုံလာပြီးဆိုရင် တည်တည်ငြိမ်ငြိမ်နဲ့၊ ရာထူးအဆင့်တူသူတွေကို ညှိနှိုင်းနိုင်ပြီး၊ ဆွဲဆောင် စည်းရုံးနိုင်ရမယ်၊ စတဲ့ လွှမ်းမိုးနိုင်မှုသည်သာ အဓိကအရေးကြီးတာပါ။ လူတွေကိုအုပ်ချုပ်နိုင်တဲ့ အရည်အချင်းတွေနဲ့ အတွေ့ အကြုံတွေ များလာပြီးဆိုမှ မန်နေဂျာရာထူးသို့ တိုးပေးခြင်းက ရေရှည်မှာ အကျိုးပိုများပါတယ်။ အဲဒီလိုအရည်အချင်းတွေတက်လာဖို့ သင်တန်းတွေစီစဉ်ဆောင်ရွက်ပေးရမှာဖြစ် ပါတယ်။

အကယ်၍မန်နေဂျာအဆင့်လစ်လပ်ပါက လုပ်ငန်းတွင်းမှာရှိနေတဲ့ အလားအလာရှိတဲ့ဝန်ထမ်း တွေကိုရာထူးတိုးပေးနိုင်ဖို့ ၄င်းတို့ရဲ့ စွမ်းဆောင်ရည်ကိုသုံးသပ်ကြည့်ရမှာဖြစ်ပါတယ်။ စွမ်းဆောင်ရည် ထူးခြားတဲ့သူတို့အတွက် ကတော့ စိန်ခေါ်မှုတစ်ရပ်ဖြစ်ပါတယ်။ တစ်ဦးကောင်း တစ်ယောက် ကောင်းလုပ်လို့မရ၊ အများနဲ့ ပေါင်းပြီးလုပ်နိုင်ခြင်းနဲ့ ဦးဆောင်နိုင်သူဖြစ်ဖို့က ပိုပြီးအရေးကြီးပါတယ်။ မန်နေဂျာ၊ ခေါင်းဆောင် လုပ်မယ်ဆိုရင် တစ်ဦးတည်း လုပ်ချင်နေလို့မရပါ၊ အများနဲ့လုပ်နိုင်ရမယ်၊ အများကိုဦးဆောင်နိုင်ရပါမယ်။ စဉ်းစားတွေးခေါ်ပုံကအစ၊ ကျွမ်းကျင်မှုအရည်အချင်းတွေလည်း အများနဲ့တူလို့မရပါ။ ဒါမှလည်း အနှစ်သာရပြည့်ဝတဲ့ရာထူးတိုးပေးခြင်းဖြစ်ပါမယ်။

“ရလဒ်ကောင်းတွေရရှိဖို့အကဲဖြတ်စံနစ်ကျင့်သုံးစို့” (၄)

မြတ်သုတလှိုင်ဝင်း (EMPA-8)

ယခုအပတ်မှာဆက်လက်ပြီး၊ စွမ်းဆောင်ရည်အကဲဖြတ်ရာမှာ အထောက်အထားများရဲ့အကျိုး သက်ရောက်မှု၊ နည်းစနစ်နှင့်အညီ ပြန်လည်ဆန်းစစ်မှုနဲ့ စွမ်းဆောင်ရည်ကိုတန်ဖိုးဖြတ်ခြင်း တို့ကို တင်ပြချင်ပါတယ်။

အလုပ်သဘောအရ တစ်ဦးနဲ့တစ်ဦးအပြန်အလှန်ပြုမူဆက်ဆံပြီး၊ လုပ်ငန်းတာဝန်များကို ဆောင် ရွက်ကြရာမှာ အထောက်အထားတွေနဲ့ မှတ်တမ်းတွေထားရှိခြင်းဟာ အလွန်မှအရေးကြီးသလို၊ အဲဒီလို ထားရတဲ့အတွက် ရရှိမယ့်အကျိုးကျေးဇူးအချို့ကိုတင်ပြဆွေးနွေးရလျှင်၊ (၁) ဆွေးနွေးချက်တွေ၊ သဘော တူတာတွေ၊ မတူတာတွေ၊ လေ့လာတွေ့ရှိချက်တွေ၊ ပန်းတိုင်ကိုရောက်ရှိစေမယ့် တိုးတက်ဖြစ်ပေါ်မှု့ အဆင့်ဆင့်တွေကို မှတ်တမ်းထားမယ်ဆိုလျှင် စွမ်းဆောင်ရည်ကိုပြန်လည်ဆန်းစစ်တဲ့အခါအကျိုး များပါတယ်၊ အထောက်အကူ၊ အထောက်အပံ့ဖြစ်စေပါတယ်။ (၂) ပေးအပ်တဲ့တာဝန်တွေကိုဝန်ထမ်းက အောင်မြင်စွာပြီးမြောက်မှုနဲ့၊ ထူးခြားတဲ့စွမ်းဆောင်ရည်တွေကို အသိအမှတ်ပြုဖို့၊ ချီးမြှောက်ဖို့၊ ဒါမှမဟုတ် ရာထူးတိုးပေးနိုင်ဖို့အတွက် ထင်ရှားတဲ့အထောက်အထားအဖြစ် ပံ့ပိုးမှုကိုဖြစ်စေပါတယ်။ (၃) အငြင်းပွားစရာတစ်စုံတစ်ခုဖြစ်လာလျှင် (သို့) ၀န်ထမ်းကိုအလုပ်မှထုတ်ပယ်ရတဲ့အထိအရေးယူဆောင် ရွက်တော့မယ်ဆိုရင် ဒီလို အထောက်အထားပြည့်ပြည့်စုံစုံနဲ့ဆိုရင် ဖြေရှင်းရလွယ်ကူပါမယ်၊ မျှတမှုလဲ ရှိနိုင်ပါတယ်။

ဒါကြောင့် စီမံအုပ်ချုပ်သူတွေဟာ ၀န်ထမ်းတွေ ရဲ့ပြုမူဆောင်ရွက်ပုံတွေ၊ ကောင်း တာတွေ၊ ဆိုး တာတွေအားလုံးကို၊ ဖြစ်နိုင်သမျှ၊ နေ့ရက်အချိန်နာရီအတိအကျနဲ့ ဘယ်သူကဘာပြောတယ်၊ အဲဒီအချိန် မှာ ဘယ်သူက ကြားသိတယ်ကအစ မှတ်တမ်းထားရှိမယ်ဆိုရင်၊ အထောက်အထားဖြစ်ပြီး၊ အကဲဖြတ် တဲ့ အချိန်မှာ ဒီလိုအထောက်အထားခိုင်ခိုင်လုံလုံနဲ့ အကဲဖြတ်မယ်ဆိုရင် ဘယ်သူမှမငြင်းနိုင်သလို၊ အကဲဖြတ် ချိန်နီး မှဖြစ်ပျက်တဲ့အခြေအနေပေါ် မူတည်ပြီး အကဲဖြတ်ခြင်းမဟုတ်ဘဲ သတ်မှတ်ကာလ တစ်လျှောက်လုံးကို ခြုံငုံပြီးအကဲဖြတ်တဲ့သဘောသက်ရောက်တဲ့အတွက် စွမ်းဆောင်ရည်အမှန်၊ အခြေ အနေမှန်ကို ဖေါ်ထုတ် နိုင်သကဲ့သို့၊ မျှတမှုလဲရှိနိုင်ပါတယ်။ ပြဿနာဖြေရှင်းမယ်ဆိုလျှင်လဲ လွယ်ကူစွာနဲ့ ဖြေရှင်းနိုင် မှာပါ။

နည်းစနစ်နှင့်အညီ ပြန်လည်ဆန်းစစ်မှု။

စွမ်းဆောင်ရည်ကိုပြန်လည်ဆန်းစစ်မှုဟာ ၀န်ထမ်းတွေရဲ့စွမ်းဆောင်ရည်ကိုတန်ဖိုးဖြတ်ခြင်းရဲ့ စံသတ်မှတ်ထားတဲ့လုပ်ထုံးလုပ်နည်းလို့ဆိုရမှာပါ။ ပုံမှန်အားဖြင့် စွမ်းဆောင်ရည်ပြန်လည်ဆန်းစစ်မှု ဆိုင်ရာတွေ့ဆုံဆွေးနွေးရာမှာ၊ မန်နေဂျာဟာ ၀န်ထမ်းအား ဘာတွေတော့ကောင်းတယ်၊ ဘယ်နေရာမှာ တော့လိုအပ်ချက်တွေရှိလို့ ဘယ်လိုပြုပြင်လိုက်ပါ၊ စသဖြင့် ဆွေးနွေးအကြံပေးခြင်း၊ လမ်းညွှန်ခြင်း တွေကို ပြုလုပ်လေ့ရှိကြပါတယ်။ အကောင်းဆုံးကတော့ အဲဒီလို တွေ့ဆုံဆွေးနွေးတာတွေကို ၀န်ထမ်း တစ်ဦးချင်း စီအလိုက် အနည်းဆုံး သုံးလလျှင် တစ်ကြိမ်တော့ပြုလုပ်သင့်ပါတယ်။ ထိုသို့ပြုလုပ်ခြင်း အားဖြင့် ကောင်းတာတွေကို ပိုပြီးကောင်းသထက်ကောင်းအောင် အားပေးနိုင်သကဲ့သို့၊ အမှားရှိပါကလဲ အမှန်ဖြစ်အောင် အချိန်မှီ တည့်မတ်ပေးနိုင်မှာဖြစ်ပါတယ်။ ၀န်ထမ်းရဲ့စွမ်းဆောင်ရည်ကို ပြန်လည် ဆန်းစစ်အကဲဖြတ် ရာမှာ အကဲဖြတ်ရုံသက်သက်မဟုတ်ဘဲ၊ တိုးတက်ရာတိုးတက်ကြောင်းကိုဖေါ်ထုတ် ပေးနိုင်ဖို့လဲလိုအပ် ပါတယ်။ နောက်တစ်နည်းပြောရမယ်ဆိုရင်၊ အကဲဖြတ်ခြင်းဟာ ၀န်ထမ်းကို အောင်မြင်မှုလမ်းကြောင်း ပေါ်သို့ရောက်ရှိအောင်၊ လမ်းပြပေးလိုက်သကဲ့သို့ဖြစ်ရပါမယ်။

စွမ်းဆောင်ရည်တန်ဖိုးဖြတ်ခြင်း။

အချို့သောကုမ္ပဏီတွေဟာ အဆင့်သတ်မှတ်ချက်အတိုင်းအတာတွေ၊ ဒါမှမဟုတ် အကဲဖြတ်မည့် အချက်အလက်များကို အကဲဖြတ်ပုံစံမှာဖေါ်ပြထားပြီး၊ အချို့ကြပြန်တော့လည်း စကားပြောပုံစံကို အသုံးပြုကြပါတယ်။ ဘယ်လိုပုံစံဘဲသုံးသုံး အရေးမကြီးပါ။ အဓိကအားဖြင့် စွမ်းဆောင်ရည်အမှန်ကို ၀န်ထမ်းအားအသိပေးနိုင်ဖို့နဲ့ ဘယ်လိုအသိပေးမလဲဆိုတာ၊ သာအရေးကြီးပါတယ်။

ရံဖန်ရံခါတုံ့ပြန်မှုလေးတွေပြုလုပ်ပေးပြီး၊ သေချာစွာမှတ်သား ထားမယ်ဆိုရင်၊ အကဲဖြတ်တဲ့အခါ တိကျမယ်၊ ပြည့်ပြည့်စုံစုံဖြစ်မယ်၊ ဓမ္မဓိဌာန်ကျကျ အကဲဖြတ်နိုင်မှာဖြစ်ပါတယ်။ မိမိ စုဆောင်း ထားတဲ့ သတင်းအချက်အလက်တွေကို အချိန်ပေးပြီး၊ အကျဉ်းချုပ်၊ စုစည်းထားမယ်ဆိုရင် အကဲ ဖြတ်ချိန်ရောက် တဲ့အခါ၊ သတ်မှတ်ထားတဲ့စွမ်းဆောင်ရည်အကဲဖြတ်တဲ့ ပုံစံမှာဖြည့်စွက်လိုက်ခြင်းအားဖြင့်လွယ်ကူမယ်၊ တိကျမယ်၊ အခြေအနေမှန်ကို အကဲဖြတ်ခြင်းဖြစ်ပါမယ်။ တကယ်ဆိုရင်၊ စွမ်းဆောင် ရည်အကဲဖြတ်ခြင်း ဟာ၊ Job description မှာဖေါ်ပြထားတဲ့ တာဝန်နဲ့ဝတ္တရားတွေပေါ်မှာ အခြေခံ ပြီးပြု လုပ်ရတာပါ။

နောက်ပိုင်းမှာ ၀န်ထမ်းနဲ့ပတ်သက်တဲ့ လုပ်ရည်ကိုင်ရည်ဆိုင်ရာအချက်အလက်တွေကို ၄င်းတို့ ရဲ့ လုပ်ဖေါ်ကိုင်ဖက်တွေ၊ ပစ္စည်းပေးသွင်းသူတွေ၊ သုံးစွဲသူတွေ၊ နဲ့ အခြားပုံမှန် ဆက်သွယ်ဆောင်ရွက် နေကြတဲ့သူတွေထံက ဘက်ပေါင်းစုံလျှို့ဝှက်စွာရယူအကဲဖြတ်တဲ့ ၃၆၀ဒီဂရီလို့ခေါ်တဲ့အကဲဖြတ်နည်း တွေကိုကျင့်သုံးလာကြလို့ ရလဒ်မှာ ဘက်ပေါင်းစုံပြီး၊ ပိုပြီး ဓမ္မဓိဌာန်ကျပါတယ်။ ပိုပြီးတော့လည်းမှန်ကန် နိုင်ပါတယ်။

ဝန်ထမ်းနဲ့ အကဲဖြတ်လူတွေ့စစ်ဆေးမှုမပြုမီ၊ အကဲဖြတ်မှုဆိုင်ရာအချက်အလက်တို့ကိုကြိုတင် သုံးသပ်ပြီး၊ အကဲဖြတ်ပုံစံတွင်ဖြည့်စွက်ရမှာဖြစ်ပါတယ်။ ၀န်ထမ်းအားလဲ မိမိကိုယ် ကိုမိမိအကဲဖြတ် ချက်ကို ပြုလုပ်စေရပါမယ်။ အချို့ကုမ္ပဏီတွေဆိုရင် ၀န်ထမ်းက မိမိကိုယ် ကို အကဲဖြတ်ခြင်းကိုပြုလုပ်နိုင် ဖို့သီးခြားပုံစံပြုလုပ်ပေးထားပါတယ်။ ၀န်ထမ်းရဲ့ မိမိကိုယ် ကိုအကဲဖြတ်ချက်နဲ့ အထက်မှအကဲဖြတ်ချက် တို့ဟာကွဲလွဲမှုရှိပါမယ်။ ဒါဟာ အကဲဖြတ်လူတွေ့စစ်ဆေးစဉ်မှာ ဆွေးနွေးဖို့အတွက် အကောင်းဆုံး သွင်းအားစုဖြစ်နိုင်ပါတယ်။

တုံ့ပြန်ခြင်း။

ဝန်ထမ်းတွေဟာ အကဲဖြတ်ခြင်းခံရမယ်ဆိုရင် အတွေ့အကြုံမရှိသေးတဲ့အတွက်စိုးရွံ့မှုတွေရှိ ကြပါတယ်။ ထိုသို့မဖြစ်အောင် ခြိမ်းခြောက်မှုကင်းတဲ့၊ အပြုသဘောဆောင်တဲ့ တုံ့ပြန်မှုကိုဝန်ထမ်းအား မဖြစ်မနေပြုလုပ်ပေးသင့်ပါတယ်။ အကဲဖြတ်လိုက်တိုင်း ၀န်ထမ်းဟာစိတ်ဓါတ်တက်ကြွသွားစေဖို့ ဘယ်လိုလုပ်မလဲဆိုတာကို လည်းစဉ်းစားသင့်ပါတယ်။ အားသာချက်တွေ၊ အောင်မြင်မှုတွေကို ချီးကျူးပါ။ လိုအပ်ချက် တွေကိုလည်းထောက်ပြပြီး၊ ပြင်ဆင်ဖို့အခွင့်အရေးပေးပါ။ ၀န်ထမ်းကိုယ်ပါဝင် လာပါစေ။

အကဲဖြတ်လူတွေ့မေးမြန်းဆွေးနွေးခြင်းဟာ၊ ၀န်ထမ်းအတွက်ရော၊ လုပ်ငန်းအတွက်ပါအလွန် အရေးကြီးပါတယ်။ ဒါကြောင့် ပြီးစလွယ်မလုပ်ပါနဲ့။ လွတ်လပ်ပြီး၊ အနှောက်အယှက်ကင်းတဲ့နေရာမှာ ကြိုတင်အစီအစဉ်ဆွဲပြီး၊ အချိန်ပေးပြီးလုပ်ရတဲ့ လုပ်ငန်းစဉ်ဖြစ်ပါတယ်။ လောလို့မရပါ။ ထိုသို့လူတွေ့ စစ်ဆေးစဉ် အစပထမမှာ ထင်ရှားတာတွေ၊ အပြုသဘောဆောင်တာ၊ ကောင်းတာတွေကို ဆွေးနွေး ကြရမှာဖြစ်ပါတယ်။ အဲဒီအချိန် မှာ မျက်လုံးချင်းဆိုင်၊ ထိထိမိမိပြောဆိုဆွေးနွေးဖို့လိုအပ်ပါတယ်။ ထို့နောက်မှာ အားနည်းတာတွေ၊ အမှားအယွင်းတွေ၊ ကိုဆက်လက်ဆွေးနွေးသွားရမှာပါ။ ထိုအခါ ၃၆၀ဒီဂရီရဲ့တုံ့ပြန်မှုတွေကို သင့်လျှော်သလို ကိုးကားဆွေးနွေးနိုင်ပါတယ်။ ၀န်ထမ်းရဲ့စိတ်ကို မထိခိုက် မိစေဖို့၊ အပြုသဘောဆောင်တဲ့ ဝေဖန်အကြံပြုတာတွေကိုလည်းပြုလုပ်ပေးနိုင်ပါတယ်။ ၀န်ထမ်းအား ဖြေရှင်းခွင့်၊ မရှင်းလင်းတာတွေကို လည်း၊ မေးမြန်းခွင့်၊ ပွင့်ပွင့်လင်းလင်း ဆွေးနွေးခွင့် ပေးရပါမယ်။ အကဲဖြတ်လူတွေ့စစ်ဆေးခြင်းဟာ တစ်လမ်းသွားမဟုတ်ဘဲ၊ အသွားအပြန်ရှိတဲ့ဆက်သွယ်ရေးစနစ် ဖြစ်လို့၊ ၀န်ထမ်းကတုံ့ပြန်ဆွေးနွေးလာတာတွေကိုလည်း သေချာစွာဂရုစိုက်နားထောင်ပေးရ ပါမယ်။ နှစ်ဦး နှစ်ဖက် ရိုးသားပြီး၊ မှန်ကန်တဲ့အကြောင်းအရာတွေအပေါ်အခြေခံတဲ့ဆွေးနွေးမှု ဖြစ်ဖို့ အရေးကြီးပါတယ်။ ထိုသို့ဆွေးနွေးရာမှာ ပြီးခဲ့တဲ့ကာ လအတွက် ရည်မှန်းချက်ပြည့်မီမှုကိုစစ်ဆေး အကဲဖြတ်သကဲ့သို့၊ လာမယ့်ကာလအတွက်လည်း ရည်မှန်း ချက်တွေ ချမှတ်ပေးနိုင်ပါတယ်။

ဝန်ထမ်းရဲ့စွမ်းဆောင်ရည်ဆိုင်ရာအချက်အလက်တွေကိုစုစည်းပြီး၊သုံးလတစ်ကြိမ်ပုံမှန်စွမ်းဆောင် ရည်တန်ဖိုးဖြတ်ခဲ့မယ်ဆိုရင် နှစ်ပတ်လည်အကဲဖြတ်ချိန်မှာ ၀န်ထမ်းအတွက်ရော၊ စီမံအုပ်ချုပ်သူတို့ အတွက် ပိုမိုလွယ်ကူစေမှာဖြစ်ပြီး၊ လုပ်ရိုးလုပ်စဉ် ကဲ့သို့ဖြစ်နေတဲ့အတွက် အကဲဖြတ်ချိန်မှာ ဖြစ်ပေါ် လေ့ရှိတဲ့၊ ၀န်ထမ်းရဲ့စိုးရွံ့မှုကိုလဲလျော့နည်းစေနိုင်ပါတယ်။

စွမ်းဆောင်ရည်အကဲဖြတ်ပြီးတဲ့နောက်မှာ ၀န်ထမ်းဟာ ဘာတွေတော့ပြုပြင်ရမယ်၊ ဘယ်အပိုင်း ကိုပိုအားစိုက်ရမယ်ဆိုတာတွေကို ရင်ထဲ၊ စိတ်ထဲရှင်းရှင်းလင်းလင်းဖြစ်သွားရပါမယ်။ ဘက်လိုက်မှုကင်းတဲ့ အကဲဖြတ်ခြင်းစနစ်ဖြစ်ရပါမယ်။ အကဲဖြတ်တဲ့အတွေ့ အကြုံများလာတာနဲ့အမျှ၊ ပိုမိုလွယ်ကူလာမယ်၊ စိတ်ထဲတင်းကြပ်မှုတွေလျှော့နည်းလာပြီး၊ ထိရောက်တဲ့ စွမ်းဆောင်ရည်အကဲဖြတ်ခြင်းတွေကို ၀န်ထမ်း တွေနဲ့စီမံခန့်ခွဲသူတို့အကြားပိုမိုပူးပေါင်းဆောင်ရွက်လာနိုင်ပြီး၊ လုပ်ငန်းအဖွဲ့အစည်းတွေမှာ ယုံကြည်မှု တွေ တည်ဆောက်လာနိုင်ပြီး၊ ရလဒ်ကောင်းများ ရရှိလာမှာသေချာပါတယ်။

“ရလဒ်ကောင်းတွေရရှိဖို့အကဲဖြတ်စံနစ်ကျင့်သုံးစို့” (၃)

မြတ်သုတလှိုင်ဝင်း (EMPA-8)
ယခုအမှတ်စဉ်(၃) မှာ စွမ်းဆောင်ရည်နဲ့ပတ်သက်ပြီး ဘာတွေကိုတိုင်းတာမလဲ၊ ဆိုတာကို ဆက်လက်ဖေါ်ပြသွားမှာဖြစ်ပါတယ်။
စွမ်းဆောင်ရည်ကိုထိထိရောက်ရောက်သုံးသပ်အကဲဖြတ်ဖို့အတွက် မန်နေဂျာကဘာတွေကို တိုင်းတာရမလဲဆိုတာသိဖို့အရေးကြီးပါတယ်။ စီမံခန့်ခွဲမှုမှာဂရုကြီးဖြစ်တဲ့ Peter Drucker ရဲ့ ထင်ရှားတဲ့ တိုင်းတာပုံမှာ ဗျူဟာမြောက်စွမ်းဆောင်ရည်အကဲဖြတ်ခြင်းနည်းဖြစ်တဲ့ management by objectives နည်းဖြစ်ပါတယ်။ MBO လို့လဲခေါ်ပါတယ်။ ၄င်းနည်းမှာဆိုရင် လုပ်ငန်းအဖွဲ့အစည်းရဲ့ ရည်မှန်းချက်ပန်းတိုင်၊ ရည်ရွယ်ချက်တွေအပေါ် အခြေခံပြီး၊ ၀န်ထမ်းရဲ့လုပ်ငန်းတာဝန်ဆိုင်ရာ ရည်မှန်းချက်ကို မန်နေဂျာတွေကဦးဆောင်ချမှတ်ပေးပြီး၊ ၀န်ထမ်းနဲ့သဘောတူညီချက်ယူကာ အောင်မြင် အောင် လုပ်ဆောင်စေသောနည်းဖြစ်ပါတယ်။ ရာထူးတစ်ခုချင်းစီအလိုက်ချမှတ်ပေးဖို့လိုပြီး၊ တိကျလေ ပို၍ကောင်း လေဖြစ်ပါတယ်။ အရောင်းသမားတစ်ဦးဆိုပါစို့ သတ်မှတ်ထားတဲ့ ကာလမှာ ဘယ်လောက်ရောင်း ရမလဲဆိုတဲ့ သတ်မှတ်ထားခြင်းကို ဥပမာပြုလိုပါတယ်။
MBO နည်းစံနစ်မှာ စွမ်းဆောင်ရည်အဆင့်အတန်းကို အမြင်ရှု့ ထောင့်ပေါ်အခြေခံတဲ့နည်း (subjective) အစား၊ ရည်ရွယ်ချက်ရှိရှိနဲ့ ထွက်ပေါ်လာတဲ့ရလဒ်ပေါ်အခြေခံတဲ့အကျိုးကျေးဇူး တွေရရှိပါတယ်။ ၀န်ထမ်းအား တက်တက်ကြွကြွနဲ့ ရည်မှန်းချက်တွေချမှတ်ရာမှာပါဝင်စေခြင်းအားဖြင့်၊ တာဝန်ယူတတ်မှုနဲ့၊ တာဝန်များကိုကျေပွန်စွာ ဆောင်ရွက်စေတတ်မှုတို့ကိုဖြစ်စေနိုင်ပါတယ်။ ထိရောက်မှုအနေနဲ့၊ ၀န်ထမ်းဟာ ရည်ရွယ်ချက်တစ်ခုချင်းစီကို ၄င်းတို့ကိုယ်တိုင် စီမံရမယ်၊ တာဝန် အပြည့်ယူရမယ်၊ အောင်မြင် အောင်ဘယ်လိုလုပ်မလဲ၊ ဆိုတာကို ၄င်းတို့ကိုယ်တိုင် ဆုံးဖြတ်ရ မှာဖြစ်ပါတယ်။ ဒီလိုအခွင့်အရေးပေးလိုက်မယ်ဆိုရင်၊ ၀န်ထမ်းဟာ ပြောင်းလွယ်ပြင်လွယ်ဖြစ်ပြီး၊ ပိုမိုပြီးလွတ်လွတ်လပ်လပ်လုပ်ကိုင်ခွင့်ရလာမှာဖြစ်သကဲ့သို့၊ တက်ကြွပြီးလုပ်ချင်ကိုင်ချင်စိတ်ကိုတိုးစေ နိုင်မှာဖြစ်ပါတယ်။ အတွေ့အကြုံနုသေးတဲ့ဝန်ထမ်းငယ်တွေ အတွက်ကတော့ စိန်ခေါ်မှုတွေများပြီး၊ စိုးရွံ့မှုတွေ ကိုဖြစ်စေ နိုင်ပါတယ်။
ရလဒ်အားဖြင့် အချို့ကုမ္ပဏီတွေဟာ MBO အစား စွမ်းဆောင်ရည်အဆင့်သတ်မှတ်ခြင်းစနစ်ကို အသုံးပြုကြပါတယ်။ ထိုသို့ အရည်အသွေးအဆင့်သတ်မှတ်ရာမှာ အကောင်းဆုံးမှ အညံ့ဆုံးအထိ အတိုင်းအတာများကိုသတ်မှတ်သုံးစွဲလေ့ရှိကြပါတယ်။ အဲဒီလိုဝန်ထမ်းတွေရဲ့တိုင်းတာလေ့ရှိကြတဲ့ အရည်အသွေးတွေမှာ ယေဘုယျအားဖြင့် စိတ်နေသဘောထား၊ ကြိုးစားအားထုတ်မှု၊ ပေါင်းသင်း ဆက်ဆံရေး၊ နဲ့ ဆက်သွယ်ပြောဆိုနိုင်မှု အရည်အချင်းတို့အပြင် ရာထူးအလိုက်လည်း အတိအကျ သီးခြားသတ်မှတ်တိုင်းတာလေ့လည်းရှိကြပါတယ်။ ဒီအကဲဖြတ်မှုစနစ်ဟာ MBO လောက်ပြောင်းလွယ်ပြင် လွယ်မဖြစ်သော်လည်း၊ အလွယ်တကူစံသတ်မှတ်နိုင်ပြီး၊ ရလဒ်များကိုလည်း ကုမ္ပဏီမှာရှိတဲ့ဝန်ထမ်း အားလုံး အပေါ်မှာ ခြုံငုံသုံးသပ်နိုင်ပါတယ်။
အချို့ကုမ္ပဏီကျပြန်တော့လည်း၊ အဆင့်သတ်မှတ်ချက်တွေကို၎င်းတို့လုပ်ငန်းသဘာဝနဲ့ ကိုက် ညီအောင်ပြုပြင်ပြီး၊ ၀န်ထမ်းရဲ့စွမ်းဆောင်ရည်ကို စကားပြောပုံစံဖေါ်ပြချက် ဖြင့်အဆင့်သတ်မှတ်တဲ့ နည်းနဲ့တွဲသုံးတတ်ပါတယ်။ မန်နေဂျာတွေဟာ ၀န်ထမ်းတွေရဲ့စွမ်းဆောင်ရည်အဆင့်ကိုတိုင်းတာရုံနဲ့မပြီး သေးပါ၊ ထိုဝန်ထမ်းရဲ့စွမ်းဆောင်ရည်ကို ပိုမိုပေါ်လွင်လာစေဖို့၊ ၃၆၀ဒီဂရီတုံ့ပြန်မှုတွေကိုလျှို့ဝှက်စွာဖြင့် ၀န်ထမ်းရဲ့လုပ်ဖေါ်ကိုင်ဖက်တွေနဲ့ သုံးစွဲသူ (Customer) တွေထံက စုဆောင်း၊ သုံးသပ်အကဲဖြတ်ဖို့လိုပါ တယ်။ တခါတရံမှာတော့ စွမ်းဆောင်ရည်အကဲဖြတ်တဲ့လုပ်ငန်းစဉ်မှာ အဆင့်သတ်မှတ်တဲ့နည်းနဲ့၊ MBO ကိုပေါင်းစပ်ပြီး၊ ပိုမိုထိရောက်တဲ့နည်းကိုလည်းသုံးလေ့ရှိပါတယ်။
တကယ်တော့ စွမ်းဆောင်ရည်အကဲဖြတ်စနစ်ဟာ လုပ်ငန်းသဘာဝပေါ်မူတည်ပြီး၊ အထိရောက် ဆုံးဖြစ်အောင် ပြုပြင်ဖန်တီးပြီး၊ တိုင်းတာလေ့ရှိသလို၊ တိုင်းတာမယ့်စံနှုန်းဟာလည်း၊ လုပ်ငန်းပေါ်မူတည် ပြီး၊ မတူကွဲပြားခြားနားမှာဖြစ်ပါတယ်။ မန်နေဂျာတစ်ဦးအနေနဲ့ သင်ဟာ သင်ရဲ့ဝန်ထမ်းတွေ၊ ၄င်းတို့ရဲ့ ထမ်းဆောင်ရမယ့်တာဝန်တွေကိုအောင်မြင် ပြီးမြောက်အောင်နဲ့ စွမ်းရည်ပြည့်ဝနေမှုကိုတိုင်းတာရမှာဘဲ မဟုတ်ပါလား။
ပန်းတိုင်နဲ့ ရည်မှန်းချက်ချမှတ်ခြင်း။
MBO နည်းကိုသုံးသည်ဖြစ်စေ၊ မသုံးသည်ဖြစ်စေ၊ သင်နဲ့ သင့်ရဲ့ဝန်ထမ်းတွေအတွက် ပန်းတိုင်နဲ့ရည်မှန်းချက်တွေချမှတ်ပေးဖို့အရေးကြီးပါတယ်။ ပန်းတိုင်နဲ့ရည်မှန်းချက်ဟာ သာမန်ကြည့် မယ်ဆိုရင် အတူတူလို့၊ မကွဲပြားဘူးလို့ထင်ရပေမဲ့၊ ပန်းတိုင်ဟာ ပိုမိုကျယ်ပြန့်ပြီး၊ လုပ်ငန်းအဖွဲ့အစည်း ရရှိအောင်မြင်လိုတဲ့ မဟာဗျူဟာမြောက်ရလဒ်တွေကိုအဓိကထားပြီး၊ ရည်မှန်းချက်ကတော့ပန်းတိုင် လောက်မကျယ်ပြန့်ဘဲ၊ ပန်းတိုင်ကိုရရှိအောင်မြင်စေခြင်းအလို့ငှာ အထောက်အပံ့ဖြစ်စေတဲ့နည်ှးဗျူဟာ မြောက်ရလဒ်တွေကိုဖေါ်ဆောင်ပေးပါတယ်။ ဥပမာအားဖြင့်ပြောရလျှင် “ဒီဘဏ္ဍာရေးနှစ်အတွင်း ကမ္ဘာ အနှံ့ ကွန်ပျူတာဈေးကွက်မှာဦးဆောင်သူဖြစ်ရမယ်”လို့ပန်းတိုင်ချမှတ်မယ်ဆိုပါဆို့၊ ရည်မှန်းချက်အနေနဲ့ “ဒီ ဘဏ္ဍာရေးနှစ်ရဲ့ ပထမသုံးလပတ်မှာ ကွန်ပျူတာအလုံး တစ်သိန်းရောင်းရန်”လို့ဖေါ်ပြနိုင်ပါတယ်။ ဒါဆို ရင် ပန်းတိုင်ရဲ့ကျယ်ပြန့်မှုနဲ့၊ ရည်မှန်းချက်ရဲ့ အနုစိတ်ကိုအဓိကထားမှု၊ စတဲ့ကွဲပြားမှုတွေကိုတွေ့ မြင်နိုင်ပါတယ်။
အဲဒီတော့ ပန်းတိုင်နဲ့ ရည်မှန်းချက်တွေချမှတ်ပေးခြင်းဟာ၊ ၀န်ထမ်းတွေကို ဘယ်ကိုသွားမလဲ၊ ဘာတွေကိုကြိုးစားလုပ်ရမလဲဆိုတာတွေကို လမ်းပြပေးသကဲ့သို့ဖြစ်ပြီး၊ မန်နေဂျာတွေအတွက် လည်း၊ စွမ်းဆောင်ရည်အကဲဖြတ်မှုကို ဘောင်ခတ်ပေးလိုက်သကဲ့သို့ဖြစ်ပြီး၊ အကဲဖြတ်ရတာပိုမိုလွယ်ကူပြီး၊ အရေးကြီးတာကိုပိုပြီး၊ အာရုံစိုက်နိုင်ပါမယ်။ ထိရောက်တဲ့ ပန်းတိုင်နဲ့ ရည်မှန်းချက်တွေကို ချမှတ်ရာမှာ အမှတ်စဉ် (၂)မှာဖေါ်ပြခဲ့သလို Specific တိကျတဲ့သတ်မှတ်မှု၊ Measurable လို့ခေါ်တဲ့ တိုင်းတာလို့ရမှု၊ Achievable လို့ခေါ်တဲ့ အောင်မြင်နိုင်ချေရှိမှု၊ Realistic လို့ခေါ်တဲ့ လက်တွေ့ကျမှု၊ Time လို့ခေါ်တဲ့ အချိန် သတ်မှတ်ချက်တို့နဲ့ပြည့်စုံတဲ့ SMART ဖြစ်ဖို့လိုအပ်ပါတယ်။
တုံ့ပြန်ချက်များကိုမကြာခဏစီစဉ်ပေးခြင်း။
ဝန်ထမ်းအသစ်ခန့်လိုက်တာကတော့ဟုတ်ပါပြီ၊ အဲဒီနောက် လုပ်ဆောင်ရမှာတွေကအများကြီး ရှိပါတယ်။ ၀န်ထမ်းတွေကို လေ့ကျင့်သင်ကြားပေးရမယ်၊ လုပ်ငန်းအဖွဲ့အစည်းနဲ့ နေသားတကျဖြစ်စေဖို့ စီမံပေးရပါမယ်။ အချို့မန်နေဂျာတွေဟာ ထိုသို့လုပ်ဆောင်ပြီးတာနဲ့ ၀န်ထမ်းအား ၄င်းတို့လုပ်ချင်ရာလုပ်၊ အောင်မြင်ခြင်း၊ ကျရှုံးခြင်းဟာ ၄င်းတို့အပေါ်မှာဘဲလုံးလုံးလျားလျားယုံကြည်အပ်နှံလိုက်လေ့ရှိကြပါတယ်။
အဲဒီလိုစီမံခန့်ခွဲမယ်ဆိုရင် ၀န်ထမ်းရဲ့စွမ်းဆောင်ရည်ကိုအကဲဖြတ်ဖို့အလွန်ခက်ပါမယ်။ ဘာ ကြောင့် လဲဆိုရင် ယခင်အရည်အချင်း ပြည့်ဝတဲ့ ၀န်ထမ်းသည်ပင်၊ တိုင်းတာမှုတွေ၊ အကဲဖြတ် ဖြတ်မှုတွေမရှိတော့တဲ့အခါ၊ ထိန်းချုပ်မှုကင်းသကဲ့သို့ဖြစ်ပြီး၊ စွမ်းဆောင်ရည်တွေ၊ အရည်အချင်းတွေ ကျဆင်းသွားနိုင်လို့ ဖြစ်ပါတယ်။ ၀န်ထမ်းတွေဟာ သူတို့ရဲ့စွမ်းရည်တွေကိုအကောင်းဆုံးအသုံးချပြီး၊ လုပ်ငန်းရဲ့ပန်းတိုင်ကို အောင်မြင်စွာ ရောက်ရှိဖို့အတွက်၊ မကြာခဏတုံ့ပြန်မှုလေးတွေပေးဖို့၊အပေါင်းလက္ခဏာဆောင်တဲ့ တွန်းအားတွေ ပေးဖို့လိုအပ်ကြောင်း၊ တကယ်အတွေ့အကြုံရင့်ကျက်တဲ့ မန်နေဂျာတွေက ကောင်း ကောင်းကြီးသိထားပါတယ်။ ၀န်ထမ်းတွေကို ဒီအတိုင်းလွှတ်ထားလို့မရပါ။ လမ်းညွှန်မှုတွေ၊ စောင့်ကြည့် မှုတွေ၊ တုံ့ပြန်မှုတွေကိုပြုလုပ်ပေးရမှာဖြစ်သကဲ့သို့ လမ်းကြောင်းမှား လျှင်လဲ လမ်းမှန်ကို တွန်းတင်ပေး နိုင်ရမှာဖြစ်ပါတယ်။ အကဲဖြတ်စနစ်ရှိမှ ဒါတွေကိုလုပ်နိုင်မှာဖြစ်ပါတယ်။
ထိုသို့ပြောလိုက်ပြန်လျှင်လဲ ၀န်ထမ်းရဲ့အလုပ်တာဝန်တွေကို အသေးစိတ်စောင့်ကြည့်ရမယ်လို့ လဲမဆိုလိုပါ။ ဒီအချက်ကို ဖြေရှင်းနည်းကတော့လွယ်ပါတယ်။ Management By Walking Around (MBWA) လို့ဆိုတဲ့ လှည့်လည်ခြင်းဖြင့်စီမံခြင်းဖြစ်ပါတယ်။ Hewlett-Packard မှာ အကြီးတန်း မန်နေဂျာတွေဟာ ၀န်ထမ်းတွေနဲ့ အမြဲတန်းထိတွေ့မှုရှိစေဖို့၊ ဒီနည်းကိုကျင့်သုံးပြီး၊ အောက်ခြေ၀န်ထမ်း တွေမှာ ဘာတွေဖြစ်နေသလဲဆိုတာကို လည်းသိအောင်လုပ်ကြပါတယ်။ သင့်အနေဖြင့် ရုံးခန်းတွင်းမှာဘဲ အချိန်ကုန် နေမယ့်အစား၊ လှည့်လည် ကြည့်လိုက်ပါ၊ ၀န်ထမ်းတွေနဲ့စကားပြောကြည့်ပါ၊ မေးမြန်း ကြည့်ပါ၊ ၀န်ထမ်းတွေရဲ့စကားသံကိုနားထောင်ကြည့်ပါ၊ လေ့လာကြည့်ပါ၊ အခြေအနေမှန် တွေကိုသင် သိလာပါ လိမ့်မယ်။ ရရှိလာတဲ့သတင်းအချက်အလက်တွေမှာ မှားလားမှန်လား ဆိုတာကိုတော့ ချင့်ချိန်သုံးသပ်ဖို့ တော့လိုအပ်မှာပေါ့။ အကယ်၍များ ၀န်ထမ်းတွေဟာ နယ်အနှံ့မှာရှိနေကြမယ်ဆိုရင် မျက်နှာချင်းဆိုင် တွေ့ဆုံ စကားပြောဖို့မဖြစ်နိုင်တော့ပါ၊ မျက်နှာချင်းဆိုင်ပြောမယ့်အစား၊ တယ်လီဖုန်းနဲ့ email တွေနဲ့ဆက်သွယ်ပြောဆိုလို့လည်းရ ပါတယ်။ MBWA ဟာ သင့်အား မကြာခဏတုံ့ပြန်မှုတွေ၊ နဲ့ စောင့်ကြည့်မှုဖြစ်စဉ်တွေကို ဖန်တီး ပေးနိုင်ပါတယ်။
သင့်ရဲ့စီမံခန့်ခွဲမှုပုံစံအတွက် ဘယ်လိုအကောင်းဆုံးနည်းစနစ်တွေသုံးသုံး၊ ၀န်ထမ်းတွေရဲ့စွမ်း ဆောင်ရည်ကိုစစ်ဆေးပြီး၊ အသိအမှတ်ပြုရမှာကတော့သေချာပါတယ်။ အပတ်စဉ် တိုးတက်မှုတွေကိုတွေ့ ဆုံဆွေးနွေးပြီး၊ ၀န်ထမ်းတွေထံကအကြံပြုတင်ပြချက်တွေကိုအကောင်းဆုံးတုံ့ပြန်ရမယ်။ ၀န်ထမ်းတွေဟာ အပေါင်းလက္ခဏာဆောင်တဲ့ တွန်းအားတွေကို အကောင်းဆုံးတုံ့ပြန်ပြီး၊ အပြုသဘောဆောင်တဲ့ ဝေဖန်မှုတွေကလည်း၊ ၄င်းတို့အပေါ်အကျိုးသက်ရောက်မှာဖြစ်ပါတယ်။ တုံ့ပြန်မှုတွေဟာ အပေါင်း လက္ခဏာ ဆောင်ကျဉ်းပေးခဲ့မယ်ဆိုရင်၊ ရလဒ်ကောင်း တွေရရှိဖို့ကဧကန်မလွဲ သေချာပါတယ်။ ဒါကြောင့် စွမ်းဆောင်ရည်အကဲဖြတ်တဲ့နေရာမှာ အပြုသဘောဆောင်တဲ့ဝေဖန်သုံးသပ်မှု၊ အကြံပြုမှု၊ လမ်းညွှန်မှု၊ ပြုပြင်မှုတွေ လုပ်နိုင်ဖို့အရေးကြီးကြောင်း၊ မှတ်ယူရပါမယ်။