အမြင့်ပျံငှက်တို့၏တောင်ပံခတ်သံများ ( ၁ )

အခန်း ( ၁ ) 

လေကြောင်းသယ်ယူပို့ဆောင်ရေးဆိုင်ရာစီးပွားရေးလုပ်ငန်းများ၊ဘောဂဗေဒနှင့် မဟာဗျူဟာ မြောက် လားရာ

လေကြောင်းသယ်ယူပို့ဆောင်ရေးလုပ်ငန်းများသည် စီးပွားရေးအရ၊ မူဝါဒပိုင်းဆိုင်ရာအရနှင့် လူအဖွဲ့အစည်း အတွက် အလွန်ပင်အရေးပါသော်လည်း ရင်းနှီးမြှုပ်နှံသူများအတွက် ခြောက်အိပ်မက်ပင်ဖြစ်သည်။ ဤလုပ်ငန်း သည် ဖွဲ့စည်းပုံအရ ဆွဲဆောင်မှုမရှိခြင်း၊ စည်းမျဉ်းစည်းကမ်းများများပြားလွန်းခြင်းတို့ကြောင့်လုပ်ကိုင်ရန် ခက်ခဲခြင်း ၊ ထိန်းချုပ်နိုင်စွမ်းမရှိသော အခြားသော အချက်အလက်များ၏လွှမ်းမိုး မှုအောက်တွင် ရှိနေခြင်း များအား တွေ့မြင်ရမည်ဖြစ်သည်။ အထက်ဖော်ပြပါအချက်အလက်များ၏ ပေါင်းစည်းသက်ရောက်မှုကြောင့် ဤလုပ်ငန်း သည် ယင်းသက်တမ်းတစ်လျှောက် ရင်းနှီးမြှုပ်နှံသူများ၏ ရင်းနှီးငွေအပေါ်ပြန်ရချက် ( Rate of Return ) အလွန် နည်းပါးသည်။ လုပ်ငန်းမှဖန်တီးပေးနိုင်သောငွေကြေးပမာဏသည် သုံးစွဲလိုက်သော ပမာဏထက် အမြဲပင်နည်းပါး လျက်ရှိသည်။ ယင်းကဲ့သို့သော မျှော်လင့်ချက်နည်းပါးသောအနေအထားတွင် တည်ရှိသော်လည်း အချို့သော လေကြောင်းလိုင်းများအနေဖြင့် ယင်းကဲ့သို့သောစွန့်စားရမှု၊များ၊ မသေချာမရေရာမှုများကို ကောင်းမွန်စွာကိုင်တွယ်ဖြေရှင်းပြီး စံနှုန်း မြင့်မားစွာဖြင့် ဆောင်ရွက်နိုင်ကြသည်။ SIA စင်ကာပူလေကြောင်းလိုင်း သည် ယင်းကဲ့သို့သောလေကြောင်းလိုင်းများထဲတွင် ဦးဆောင်ဦးရွက် အဖြစ်ပါဝင်လျက်ရှိသည်။

ကမ္ဘာ့အသိအမှတ်ပြု အခံရဆုံးနှင့် အအောင်မြင်ဆုံး လေကြောင်းလိုင်းများထဲတွင်တစ်ခုအပါအ၀င်ဖြစ်ပြီး တီထွင်ဖန်တီးဆန်း သစ်နိုင်စွမ်း အရှိဆုံးနှင့်ဝန်ဆောင်မှုပေးနိုင်စွမ်းတွင် ဦးဆောင်လေကြောင်း လိုင်းဖြစ်ကာ Fortune မဂ္ဂဇင်း၏ကမ္ဘာ့ နှစ်လိုဖွယ် အကောင်းဆုံးကုမ္ပဏီ ( ၅၀ ) ထဲတွင်ပါဝင်သော တစ်ခုတည်းသော လေကြောင်းလိုင်းဖြစ်သည်။ SIA သည်ယင်း၏ ပြိုင်ဘက်များနှင့်နှိုင်းယှဉ်ပါက ငွေကြေးအမြတ်အစွန်း များစွာ သာလွန်ရရှိယုံသာမက ၁၉၇၂ ခုနှစ်မှစတင်ပြီး လွတ် လပ်စွာ တည်ထောင်နိုင်ခဲ့စဉ်ကတည်းကပင် နှစ်စဉ်လုံးဝအရှုံးမရှိသော လေကြောင်း လိုင်းလည်းဖြစ် သည်။ ဤစာ အုပ်တွင် SIA အနေဖြင့် ယင်းကဲ့သို့သော စွမ်းဆောင်ရည်ကို မည်ကဲ့သို့ရရှိအောင်ဆောင်ရွက်နိုင်ခဲ့သည်ကို ရှင်းလင်းဖော်ပြသွားမည်ဖြစ်ပြီး အခြားသောပြိုင်ဆိုင်မှုများပြင်း ထန်သော ပတ်ဝန်းကျင်အခြေအနေအတွင်းမှ ကုမ္ပ ဏီအဖွဲ့အစည်း များ အနေဖြင့် မည်ကဲ့သို့လေ့လာသင်ယူလိုက်နာကျင့်သုံးသွားသင့်သည်ဆိုသည့် အချက်များ ကိုလည်း ဖော်ပြသွားမည်ဖြစ်သည်။ 

လေကြောင်းသယ်ယူပို့ဆောင်ရေးလုပ်ငန်းများဖွံ့ဖြိုးတိုးတက်လာပုံနှင့် စီးပွားရေးအရအရေးပါပုံ

ကမ္ဘာအနှံ့အပြားရှိ လေကြောင်းသယ်ယူပို့ဆောင်ရေးလုပ်ငန်းများသည်နိုင်ငံများနှင့်ကမ္ဘာလုံးဆိုင်ရာ စီး ပွားရေးလုပ်ငန်းများအတွက် အလွန် အရေးပါလျက်ရှိပြီး ၁၉၁၂ ခုနှစ်တွင် ပထမဆုံး သတ်မှတ်အချိန်ဇယားဖြင့်လေယာဉ်စတင်ပြေးဆွဲပြီးကတည်းကပင် လျင်မြန်စွာဖွံ့ဖြိုးလာခဲ့သည်။ ဖွံ့ဖြိုးမှုကာလအစောပိုင်း နှစ် ( ၃၀ ) အတွင်း( ပစ်စတင်အင်ဂျင် များကိုအသုံးပြုသည့် ) လေကြောင်းဆိုင်ရာနည်းပညာများအားနည်းသဖြင့် ခရီးသွားချိန် မမြန်ဆန်ခြင်း၊ ခရီးသည်များအတွက်သက်တောင့်သက်သာ မရှိခြင်း၊ ပျံသန်းနိုင်သောခရီးအကွာအဝေးမိုင်နည်းပါးခြင်း၊ ကုန်ကျ စရိတ် များပြားခြင်းတို့ကြောင့် လုပ်ငန်းများဖွံ့ဖြိုးမှုအပေါ်တွင် ကန့်သတ် တားမြစ် ချက်များ ဖြစ်ပေါ် စေခဲ့သည်။ ၁၉၅၀ ခုနှစ်ကာလများတွင် Turbo-prop အင်ဂျင်များဖြင့်မောင်းနှင်ပျံသန်းသောလေယာဉ်များ စတင် ပေါ်ပေါက်လာခဲ့ပြီး Productivity တိုးတက်လာခဲ့ကာ ပျံသန်းနိုင်သောခရီး အကွာအဝေး များပြားလာပြီး စွမ်းဆောင်ရည်မြင့်မားလာခဲ့သည်။ ( ဇယား – ၁ ကိုကြည့်ပါ ) 

၂၀၀၆ ခုနှစ်တွင် ကမ္ဘာပေါ်ရှိ အချိန်ဇယားဖြင့်ပြေးဆွဲသော လေကြောင်း လိုင်း ( ၉၀၀ ) အနေဖြင့် ခရီး သည် ၂.၁ ဘီလီယံအားသယ်ယူပို့ဆောင်ပေးနိုင်ခဲ့ပြီး စုစုပေါင်း ၃.၉ ဘီလီယံ ခရီးသည်-ကီလိုမီတာပျံသန်းနိုင်ခဲ့ ကာ ကုန်စည် ၃၈.၉ မီလီယံတန်သယ်ပို့ပေးနိုင်ခဲ့သည်။လေကြောင်းပို့ဆောင်ရေးလုပ်ငန်းအနေဖြင့် ကမ္ဘာ့ကုန်စည်ထုတ်လုပ်မှု စုစုပေါင်း ၄၀% ( တန်ဖိုးအရ ) နှင့် နိုင်ငံစုံခရီးသွားစုစုပေါင်း၏ တ၀က်နီးပါး ကိုသယ်ပို့ပေးနိုင်ခဲ့ခြင်းဖြစ်သည်။ နောင်လာမည့်ကာလများတွင် လေကြောင်းသယ်ယူပို့ဆောင်ရေး လုပ်ငန်း များ အနေဖြင့် ပိုမို အရေး ပါ သောအခန်းကဏ္ဍတွင် နေရာယူလာမည်ဟု ယူဆရပါသည်။အထူး သဖြင့်  ၂၀၁၄ ခုနှစ်တွင် ကမ္ဘာ့ကုန်စည်ပမာဏ ၏ တန်ဖိုးအရ ( ၈၀ % ) အထိ လေကြောင်းမှပို့ဆောင်ပေး သွားနိုင် မည်ဟုယူဆရပါသည်။

ယင်းတွင် မြှောက်ပွား ကိန်းအကျိုးသက်ရောက်မှုရှိပြီး တိုက်ရိုက်အကျိုး သက်ရောက်မှု အပြင် ခရီးသွားလုပ်ငန်း များနှင့် ကုန် စည်ပို့ ဆောင်ခြင်းနှင့်စပ်လျဉ်း သောလုပ်ငန်းများကိုလည်း ပိုမိုဖွံ့ဖြိုး လာစေနိုင်မည်ဖြစ်သည်။

မြို့ပြလေကြောင်း သယ်ယူပို့ ဆောင်ရေးလုပ်ငန်း၏ တိုက်ရိုက်၊ သွယ်ဝိုက် သို့မဟုတ် အထောက်အကူပြုခြင်း စွမ်းအားများကြောင့် ကမ္ဘာလုံး ဆိုင်ရာ စီးပွားရေးတွင်ပါဝင်မှုသည် ကမ္ဘာ့စီးပွားရေး ပမာဏ၏ ( ၇.၅ % ) ဖြစ်သည့်အမေရိကန်ဒေါ်လာ ( ၃၅၆၀ ဘီလီယံ ) အထိ ရှိပြီး အလုပ်အကိုင်အခွင့် အလမ်းပေါင်း ၃၂သန်းခန့်ဖန်တီးပေးနိုင်မည်ဟု ခန့်မှန်းထားပါသည်။ 

ဤလုပ်ငန်းအနေဖြင့် ၁၉၈၅ ခုနှစ်မှ ၂၀၀၅ ခုနှစ်အတွင်း ခရီးသွားရာ ခိုင်နှုန်း ( ၅.၁ ) နှင့် ကုန်စည်ပမာဏ ( ၆.၆ % )တိုးတက်လာသည်အထိ လုပ်ငန်းဆောင်ရွက်မှုအခြေအနေပိုမိုကောင်းမွန်လာမည်ဖြစ်သော်လည်း အသုံးမပြုနိုင်ပဲကျန်ရှိသော ခရီးသည်နှင့် ကုန်စည် နေရာလပ်များ များစွာ ကျန်ရှိနေသေးကြောင်း တွေ့ရှိ ရသည်။ ယင်းကာလအတွင်း ခရီးသည်ရရှိမှုနှုန်း ( Passenger Load Factor ) သည်၇၅% အထိရှိခဲ့ပြီး ကုန်စည်ရရှိနှုန်း သည် ( ၆၃% ) အထိရှိခဲ့ရာ ဤလုပ်ငန်းအနေဖြင့် လေကြောင်းသယ်ယူပို့ဆောင်ရေး လုပ်ငန်းများ၏ ၀န်ဆောင်ပေးနိုင်စွမ်းသည် လိုအပ်ချက် ထက် များစွာပိုမိုနေကြောင်း ( Over-capacity) ဖော်ပြလျက်ရှိသည်။ ထို့ကြောင့် အခြားသောလုပ်ငန်းများနှင့်နှိုင်းယှဉ်ပါက ထုတ်လုပ်နိုင်စွမ်းအား ( Yield ) နှင့် အကျိုးအမြတ်ရရှိနိုင်စွမ်းအား များစွာ လျော့နည်းလျက်ရှိကြောင်းတွေ့ရှိရသည်။

ယင်းသို့ Over-capacity ဖြစ်နေ မှုအပြင် ဘဏ္ဍာရေးအမြတ် အစွန်းရရှိနိုင်စွမ်းကို လျော့နည်းစေနိုင်သော အခြားသောအကြောင်းအချက်များလည်းရှိနေသေးကြောင်း တွေ့ရ မည်ဖြစ် သည်။ ယင်းအကြောင်းအချက်များသည် လုပ်ငန်းနှင့်ကာလရှည် ကြာ စွာ ဆက်စပ်တည်ရှိနေပြီး ကြီးမား သောလွှမ်းမိုးမှုလည်းရှိနေသဖြင့်လေ ကြောင်း သယ်ယူပို့ဆောင်ရေးလုပ်ငန်းများအတွက် စိန်ခေါ်မှုတစ်ရပ် အဖြစ် ဆက်လက်တည်ရှိနေဦးမည်ဖြစ်သည်။

( —-ဆက်ပါဦးမည်— )

ဝန်ခံချက်။ Loizos Heracleous, Jochen Wirtz, Nitin Pangarkar တို့၏ Flying High in a Competitive Industry

( Secrets of the World’s Leading Airline ) ကိုဘာသာပြန်ဆိုခြင်းဖြစ်ပါသည်။

မင်းခေါင် ( EMPA - 8 )